Baía de Nushagak

Para outras páxinas con títulos homónimos véxase: Nushagak.

A baía de Nushagak (en inglés: Nushagak Bay) é unha pequena baía localizada na parte norte da gran baía de Bristol, en Alasca (Estados Unidos).^[1]

É un grande estuario que abarca máis de 100 km² na parte suroeste do estado de Alasca.

Ábrese á baía de Bristol, unha gran masa de auga no leste do mar de Bering ao norte da península de Alasca.

A baía discorre principalmente de norte a sur desde a desembocadura do río Nushagak até a baía de Bristol a uns 48 km cara ao sur.

Nela desembocan os ríos Nushagak, Wood e Snake.

Forma parte da rede hemisférica de reservas para aves como sitio de categoría rexional.^[1]

Nas súas proximidades sitúase a cidade máis grande da rexión, Dillingham (2 466 habitantes en 2000), famosa pola pesca do salmón.

Notas