Bloque Nacional Popular Galego

O Bloque Nacional Popular Galego (BNPG ou BN-PG) foi unha organización e coalición electoral constituída en abril de 1977 pola Unión do Povo Galego e a Asemblea Nacional-Popular Galega. Opúxose ao proceso autonómico e tiña como obxectivos a obtención da soberanía para Galiza.

Bloque Nacional Popular Galego (BN-PG)
Coalición electoral en Galiza
Dirixentes e organización
Líder	Lois Diéguez Bautista Álvarez
Historia
Fundación	1977
Disolución	1982
Posicións políticas
Ideoloxía	Nacionalismo galego Soberanismo Nacionalismo de esquerda

Adhesivo das eleccións de 1977.

Historia

Presentouse como agrupación de electores ás eleccións xerais de 1977 defendendo como programa as Bases constitucionais para a participación da nación galega nun pacto federal e de goberno provisorio galego redactadas en 1976 polo Consello de Forzas Políticas Galegas como alternativa nacionalista ao proceso autonómico. O BNPG obtivo 23.167 votos, un 2% do total, non conseguindo representación Congreso. Nas eleccións xerais de 1979 acadou os 63.747 votos, un 5.87% do total. Nas eleccións municipais de 1979 o BNPG presentou candidaturas en 164 concellos, obtendo 70.355 votos (7.18%) o que lle supuxo 258 concelleiros e 9 alcaldes. No referendo do Estatuto de 1980 solicitou o voto en contra. Nas eleccións autonómicas de 1981 formou unha coalición co Partido Socialista Galego, conseguindo, baixo as siglas BNPG-PSG, 61.870 votos (6,27%) e tres deputados no parlamento galego. Dous deles polo BNPG, Bautista Álvarez Domínguez e Lois Diéguez Vázquez, e un terceiro polo PSG, Claudio López Garrido. Porén, estes serán expulsados ao se negar a xurar a Constitución Española e o Estatuto de autonomía. Os conflitos internos, unidos aos malos resultados nas eleccións xerais de 1982, 38.615 votos (2.98%), provocaron a realización dunha asemblea en setembro dese ano que transformou o BNPG no Bloque Nacionalista Galego (BNG).

Galería de imaxes

Alternativa do Bloque Nacional Popular Galego, c. 1977. Alternativa do Bloque Nacional Popular Galego, c. 1977.  Cartel do BNPG anunciando a celebración do Día da Patria de 1977. Cartel do BNPG anunciando a celebración do Día da Patria de 1977.  Cartel para o Día da Patria, 1978. Deseño de Pepe Barro. Cartel para o Día da Patria, 1978. Deseño de Pepe Barro.  Cartel contra a Constitución española, 1978. Cartel contra a Constitución española, 1978.  Propaganda do BNPG pedindo o non no referendo do estatuto de autonomía, 1980. Propaganda do BNPG pedindo o non no referendo do estatuto de autonomía, 1980.  Cartel para o Día da Patria de 1981. Cartel para o Día da Patria de 1981.  Cartel pedindo o voto para a coalición BNPG-PSG, 1981. Cartel pedindo o voto para a coalición BNPG-PSG, 1981.  Cartel anunciando un magosto e unha palestra contra a entrada do Estado Español na OTAN, 1981. Cartel anunciando un magosto e unha palestra contra a entrada do Estado Español na OTAN, 1981.

Véxase tamén

Bibliografía

• Justo Beramendi e Xosé Manoel Núñez Seixas (1996). O nacionalismo galego. A Nosa Terra.
• Manuel Anxo Fernández Baz (2003). A formación do nacionalismo galego contemporáneo (1963-1984). Edicións Laiovento.

Outros artigos

• Unión do Povo Galego
• Asemblea Nacional-Popular Galega