A axila, sobaco ou sobrazo é a parte do corpo imediatamente oposta á parte exterior do ombro, ou dito doutra maneira, a parte inferior da unión do brazo co tronco, exactamente na articulación [1][2] .

Axila
Latín axilla
Gray's pág.585
Arteria Arteria axilar
Vea Vea axilar
Nervio(s) Nervio axilar, fascículo medial, fascículo posterior, fascículo lateral
Linfa Ganglios linfáticos axilares
MeSH Axilla

É un espazo cheo de graxa, con forma de cono truncado, e está situada entre a parede torácica e lateral do brazo. No seu ápice é delimitada polo bordo superior da escápula, o bordo externo da primeira costela e o terzo medio da clavícula. A base da axila está formada pola pel e tecido subcutáneo. A través da axila as estruturas pasan a partir do triángulo posterior do pescozo ao membro superior.

Arteria axilar editar

A arteria axilar comeza a continuación da arteria subclavia no exterior das fronteiras da primeira costela, debaixo da media da clavícula.

Vea axilar editar

Artigo principal: vea axilar

A vea axilar é un vaso sanguíneo que conduce o sangue da parte lateral do tórax, axila e membro superior en dirección ao corazón. Este vaso é bilateral e iniciase na marxe inferior do músculo redondo maior ao unirse as veas basílica e braquial, e termina na marxe lateral da primeira costela, sitio onde se converte na vea subclavia.[3] Ao longo do seu traxecto é acompañada pola arteria axilar.

A obstrución da vea axilar por un trombo, aínda que non é tan frecuente como nas veas da perna, ocasionalmente ocorre despois de infusión prolongada hiperosmótica de fluídos e/ou alimentación intravenosa. A consecuencia é un edema agudo do membro superior e, posibelmente, embolia pulmonar.

Sistema linfático editar

Os vasos linfáticos na axila son superficiais ou profundos. Medialmente os vasos linfáticos acompañan á vea subclavia e terminan nos ganglios axilares.

Nervio axilar editar

O nervio axilar xorde do fascículo posterior do plexo braquial á altura da axila.

Pelos axilares editar

Os pelos axilares comezan a aparecer na puberdade, e acaban ao final da adolescencia[4]. A liberación de hormonas na axila nesta fase do desenvolvemento humano suxire unha asociación dos pelos no sobaco coa sexualidade [5].

Galería de imaxes editar

Notas editar

  1. "As axilas". Arquivado dende o orixinal o 06 de setembro de 2015. Consultado o 28 de maio de 2010. 
  2. Documentário mitos e verdades sobre axila
  3. Diccionario Enciclopédico Ilustrado de Medicina Dorland. 1996. McGraw-Hill - Interamericana de España. Vol. 6. ISBN 84-7615-988-9.
  4. Curso de Crescimento e Desenvolvimento proferido pelo professor Crivaldo Júnior, da Escola de Educação Física e Esporte da Universidade de São Paulo, no CURSO BÁSICO I da RBPT.
  5. Pel e pelos axilares

Véxase tamén editar

Outros artigos editar