Wikipedia

Authentic Brands Group

Authentic Brands Group LLC (ABG) é unha empresa estadounidense de xestión de marcas con sede na cidade de Nova York. As súas participacións inclúen varias marcas de roupa, deporte e entretemento, para o que se asocia con outras empresas para licenciar e comercializar.[2] ABG posúe máis de 50 marcas de consumo,[3] así como dereitos de imaxe ou patrimonios de famosos, incluíndo Muhammad Ali, Elvis Presley e Marilyn Monroe.

Authentic Brands Group LLC
Tipo LLC
Industria
Fundación 2010
Fundador Jamie Salter
Sede 1411 Broadway,
Nova York
[1]
Propietarios
Marcas subsidiarias
Website oficial authenticbrandsgroup.com

Filantropía editar

Reebok, que desde 2022 será parte de ABG, concede desde 1988 os premios Human Rights (Dereitos Humanos). [4]

O CEO Jamie Salter e o presidente Nick Woodhouse foron recoñecidos pola ONG Devering Good pola súa colaboración coa infancia desfavorecida.[5]

Controversias editar

Authentic Brands Group presentou recentemente demandas por discriminación contra a empresa por parte de antigos empregados.[6]

BlackRock é o maior investidor en carbón en todo o mundo, segundo InfluenceMap, e foi acusada de falta de sensibilidade coa crise climática e de propiciar a deforestación da Amazonía [7] [8].

O tesoureiro de Rhode Island anunciou retiro de compras en Leonard Green & Partners, copropietaria de ABG, pola actuación de Prospect Medicals (de LG&P) de desviar millóns de dólares en tarifas excesivas e pagos hipotecarios de pacientes [9]. Ese mesmo ano LG&P anunciou un fondo de axuda aos empregados afectados por Covid-19.[10]

Historia editar

A compañía foi fundada en 2010 por Jamie Salter, após cesar no cargo como CEO de Hilco Consumer Capital, empresa que participou na reestruturación de marcas en dificultades (como Bombay Company e Polaroid Corporation). Salter investiu 250 millóns de dólares na nova empresa, e a maioría do capital foi vendido a Leonard Green & Partners. Dúas das primeiras compras importantes de ABG foron as marcas de roupa Silver Star e Tapout. En xaneiro de 2011, Authentic Brands Group adquiriu os dereitos sobre a imaxe ou semellanza de Marilyn Monroe.[11]

O 7 de outubro de 2013, Authentic Brands Group anunciou a compra de Juicy Couture de Fifth & Pacific por 195 millóns de dólares.[12] Ao mes seguinte, ABG adquiriu o patrimonio de Muhammad Ali e o 85% da participación de CORE Media Group en Elvis Presley Enterprises (que inclúe o patrimonio de Elvis Presley, dereitos de imaxe e semellanza, e activos de publicación musical).[13][14][15]

En decembro de 2015, o xogador de baloncesto Shaquille O'Neal asinou con ABG para xestionar a súa imaxe e os seus dereitos de mercadotecnia.[16] En setembro de 2016, Julius Erving tamén vendeu o seu nome e dereitos de licenza a ABG, e Aéropostale foi comprada en bancarrota por un consorcio que incluía ABG e outros investidores.[17]

En marzo de 2017, ABG converteuse no socio maioritario do negocio de produtos de consumo de Greg Norman.[18]

En marzo de 2018, ABG anunciou que adquiriría Nautica de VF Corporation.[19] En xuño de 2018, ABG anunciou que era o licitador gañador da propiedade intelectual de Nine West Holdings, [20] que se completaría en xullo. O 10 de outubro de 2018, ABG anunciou que asinara un acordo para adquirir unha participación maioritaria na propiedade intelectual das marcas propietarias do Grupo Camuto en colaboración con DSW Inc.[21]

O 27 de maio de 2019, ABG anunciou a adquisición da revista deportiva Sports Illustrated de Meredith Corporation por 110 millóns de dólares.[22] A compañía declarou que planeaba aproveitar as súas marcas rexistradas e outros activos non fundamentais en novas empresas. Meredith continuaría publicando a revista Sports Illustrated e as propiedades dixitais baixo licenza durante polo menos dous anos.[23] O 18 de xuño de 2019, anunciouse que os dereitos para publicar as operacións editoriais de Sports Illustrated se concederían a The Maven baixo un contrato de 10 anos, con Ross Levinsohn como CEO.[24] En agosto de 2019, BlackRock converteuse no maior accionista de Authentic Brands.[25]

En maio de 2020, Authentic Brands Group e os 101 Studios de David Glasser formaron unha empresa conxunta, Sports Illustrated Studios, para proxectos de longametraxes e televisión. A empresa conxunta contaría cunha lista de varias series de TV e películas ao ano. O primeiro proxecto anunciado foi a docuserie Covers de dúas horas baseada nas historias de portada da revista.[26]

O 12 de agosto de 2020, anunciouse que Brooks Brothers foi vendido a Authentic Brands Group e Simon Property Group, o maior operador de centros comerciais dos Estados Unidos. Os novos propietarios comprometéronse a seguir operando polo menos 125 puntos de venda retallista de Brooks Brothers en todo o mundo (con respecto aos 424 locais anteriores á pandemia de COVID-19).[27]

O 23 de xuño de 2021, anunciouse que ABG adquiriría as marcas Izod, Van Heusen, Arrow e Geoffrey Beene de PVH.[28]

O 6 de xullo de 2021, Authentic Brands Group presentou unha oferta pública inicial estimada en 1.500 millóns de dólares.[29][30]

O 12 de agosto de 2021, anunciouse que Authentic Brands Group adquiriría a marca de roupa deportiva Reebok de Adidas por polo menos 2.500 millóns de dólares, nun acordo que se prevía fechar no primeiro trimestre de 2022.[31] As empresas de capital privado CVC Capital Partners e HPS Investment Partners investiron 3.500 millóns de dólares en Authentic nun acordo que se pechou en novembro de 2021.[32]

Notas editar

  1. ↑ Weiss, Lois (2015-08-19). "Bids are in for Trinity Church cluster". New York Post. Retrieved 2020-01-21.
  2. ↑ Young, Vicki M.; Young, Vicki M. (2017-10-30). "General Atlantic Makes Investment in Authentic Brands Group". WWD (en inglés). Consultado o 2022-02-05. 
  3. ↑ Palmieri, Jean E.; Palmieri, Jean E. (2018-09-24). "ABG’s Nick Woodhouse on Building an Influencer Network". WWD (en inglés). Consultado o 2022-02-05. 
  4. ↑ "Reebok Human Rights Award 2021". Consultado o 5-2-2022. 
  5. ↑ Alahmad, Dalia. "2018 Annual Gala Honorees: Jamie Salter and Nick Woodhouse – Delivering Good" (en inglés). Arquivado dende o orixinal o 05 de febreiro de 2022. Consultado o 2022-02-05. 
  6. ↑ "Falcaro v. Authentic Brands Group LLC". pacermonitor.com. 
  7. ↑ "World’s biggest investor accused of dragging feet on climate crisis". the Guardian (en inglés). 2019-05-21. Consultado o 2022-02-05. 
  8. ↑ "AmazonWatch". 
  9. ↑ "Rhode Island Treasurer Announces Withdrawal from Purchases from Leonard Green – IPFIUSA". ipfiusa.org. Arquivado dende o orixinal o 05 de febreiro de 2022. Consultado o 2022-02-05. 
  10. ↑ Witkowsky, Chris (2020-03-19). "Leonard Green execs to form $10m employee-assistance fund, Great Hill's Chris Gaffney talks business actions amid covid-19, How coronavirus outbreak is hammering PE fundraising". PE Hub (en inglés). Consultado o 2022-02-05. 
  11. ↑ Daly, John (2012-04-26). "Toronto native Jamie Salter rebrands Marilyn Monroe". The Globe and Mail (en inglés). Consultado o 2022-02-05. 
  12. ↑ "UPDATE 1-Fifth & Pacific sells Juicy Couture brand for $195 million". Reuters (en inglés). 2013-10-07. Consultado o 2022-02-05. 
  13. ↑ "Elvis Presley brand sold to ABG". cbc.ca. Consultado o 22 de novembro de 2019. 
  14. ↑ "Boxing, story". ESPN (en inglés). 2013-11-19. Consultado o 2019-05-28. 
  15. ↑ Halperin, Shirley; Halperin, Shirley (2017-08-16). "Elvis Presley Today: Graceland Proprietor on ‘Blade Runner’ Cameo, Hologram Plans, Changing Fanbase". Variety (en inglés). Consultado o 2022-02-05. 
  16. ↑ "NBA, story". ESPN (en inglés). 2015-12-17. Consultado o 2019-05-28. 
  17. ↑ "Aéropostale Won’t Go Out of Business After All". Fortune (en inglés). Consultado o 2022-02-05. 
  18. ↑ "Norman has deal with brand licensing firm ABG". ESPN.com (en inglés). 2017-03-21. Consultado o 2022-02-05. 
  19. ↑ "ABG snaps up Nautica from VF". 2018-03-19. Consultado o 5-2-2022. 
  20. ↑ "Authentic Brands beats DSW in auction for Nine West: sources". Reuters (en inglés). 2018-06-11. Consultado o 2022-02-05. 
  21. ↑ Young, Vicki M.; Young, Vicki M. (2018-10-10). "Camuto Group to Be Acquired by ABG, DSW for $375 Million". WWD (en inglés). Consultado o 2022-02-05. 
  22. ↑ Bennett, Anita; Bennett, Anita (2019-05-28). "Sports Illustrated Sold To Authentic Brands Group For $110 Million". Deadline (en inglés). Consultado o 2022-02-05. 
  23. ↑ Steinberg, Brian; Steinberg, Brian (2019-05-28). "Meredith Sells Sports Illustrated to Authentic Brands Group for $110 Million". Variety (en inglés). Consultado o 2022-02-05. 
  24. ↑ Archive, View Author; Author, Email the; Twitter, Follow on; feed, Get author RSS (2019-06-17). "Sports Illustrated’s media ops are getting a new operator". New York Post (en inglés). Consultado o 2022-02-05. 
  25. ↑ Lombardo, Miriam Gottfried and Cara (2019-08-11). "BlackRock Takes Stake in Owner of Sports Illustrated, Nine West". Wall Street Journal (en inglés). ISSN 0099-9660. Consultado o 2022-02-05. 
  26. ↑ McNary, Dave; McNary, Dave (2020-05-05). "Sports Illustrated Studios Launches With 101 Studios for Features, TV Content". Variety (en inglés). Consultado o 2022-02-05. 
  27. ↑ "Brooks Brothers sale AG". 2020-08-12. Consultado o 5-2-2022. 
  28. ↑ Garcia, Tonya. "PVH to sell Izod, Van Heusen and other labels to Authentic Brands in $220 million deal". MarketWatch (en inglés). Consultado o 2022-02-05. 
  29. ↑ "Bloomberg - Are you a robot?". www.bloomberg.com. Consultado o 2022-02-05. 
  30. ↑ "美国品牌管理公司：正宗品牌集团Authentic Brands Group(AUTH)". 美股之家 – 港美股开户投资IPO百科全书 (en chinés). Consultado o 2022-02-05. 
  31. ↑ "Adidas sells Reebok to ABG". Consultado o 5-2-2022. 
  32. ↑ Gottfried, Matt Grossman and Miriam (2021-11-22). "Authentic Brands Raises $3.5 Billion, Pushes Back IPO". Wall Street Journal (en inglés). ISSN 0099-9660. Consultado o 2022-02-05. 

Véxase tamén editar

Outros artigos editar

Traído desde «https://gl.wikipedia.org/w/index.php?title=Authentic_Brands_Group&oldid=6568945»