Atanasii Sheptytskyi

Atanasii Sheptytskyi (en ucraíno: Атанасій Шептицький; en polaco: Atanazy Szeptycki; en belaruso: Атанасій Шаптыцкі), nado c. 1686 en Voshchantsi (Voivodato de Rutenia, Coroa do Reino de Polonia) e finado o 12 de decembro de 1746 en Lviv, foi un eclesiástico grecocatólico ruteno, metropolita de Kíiv e Galicia e toda a Rus dende 1729 até a súa morte.

Атанасій Шептицький (Atanasii Sheptytskyi)
Metropolita da Igrexa Católica Bizantina Ucraína
Biografía
Nacemento	1686
Pasamento	12 de decembro de 1746 en Lviv, Voivodato de Rutenia, Polonia
Ordes
Consagración episcopal	13 de setembro de 1715, por Lev Kyshka
Metropolita de Kíiv, Galicia e toda a Rus
1729 - 1746
Predecesor	Lev Kyshka
Sucesor	Floriian Hrebnytskyi
Outros
Ficha en catholic-hierarchy.org

Traxectoria

Naceu en 1686 en Voshchantsi nunha familia nobre. En 1703, pola influencia do seu tío, Varlaam Sheptytskyi, entrou no noviciado dos basilianos no mosteiro de Univ, onde Varlaam era arquimandrita. Na vida relixiosa tomou o nome de "Atanasii". Posteriormente estudou filosofía e teoloxía no seminario pontificio de Lviv que levaban os teatinos, onde foi ordenado sacerdote en 1710. Posteriormente, en 1713 foi nomeado el mesmo arquimandrita de Univ.

En 1715 foi nomeado bispo de Lviv, recibindo a consagración episcopal o 13 de setembro de mans do metropolita de Kíiv Lev Kyshka.

O 1 de marzo de 1728 foi elixido arcebispo coadxutor de Kíiv, converténdose o 17 de agosto de 1729 en metropolita.

Véxase tamén

Bibliografía

• Назарко, Іриней-Іван Іванович (1962). Київські і Галицькі митрополити: біографічні нариси (1590-1960). Analecta OSBM. Serie 2. Sectio 1. Roma. OCLC 54007358. 

Dignidades da Igrexa católica
Predecesor: Varlaam Sheptytskyi	Bispo de Lviv  1748 - 1779	Sucesor: Lev Sheptytskyi
Predecesor: Lev Kyshka	Metropolita de Kíiv, Galicia e toda a Rus  1729 - 1746	Sucesor: Floriian Hrebnytskyi