Astafersa

Coordenadas: 43°28′43″N 8°15′38″O / 43.4784779, -8.260532

Astafersa (Astilleros Ferrolanos SA) foi unha empresa naval adicada a construción de buques en aceiro e fibra de vidro. Estaba situada na Graña, Ferrol. As instalacións son empregadas por Blascar.

Astafersa
Estaleiro da Graña Blascar Ferrol.jpg
Estaleiro da Graña.
TipoSociedade Anónima
Fundación1982 (pechada en 2007)
LocalizaciónA Graña, Ferrol
Persoas claveJuan Fernández
IndustriaNaval
ProdutosBuques, reparacións navais
Número de empregados40
editar datos en Wikidata ]

HistoriaEditar

As orixes deste estaleiro son anteriores a 1855. Está construído en Punta Pescadoira na Graña. Pola Lei de Desamortización de Mendizabal foi mercado por Ramón Rodríguez Tubín. En 1883 Ramón Rodríguez Tubín e os seus herdeiros o venden a Toribio Gil y Gabilondo, pasando a chamarse Talleres Gil.

En 1884 se asocia Toribio Gil e José Joaquín Otero creando a compañía Otero - Gil. Máis tarde pasou a chamarse Talleres Gil e Compañía.

En 1885 Talleres Gil e Compañía reune tódolas instalacións na zona e forman un estaleiro que pasa a chamarse Industria Española.

O 5 de setembro de 1931 pasa a ser adxudicado polo Xulgado de Primeira instancia a Gumersindo Paz Abilleira. O 20 de xuño de 1962 pasa a mans dos seus fillos e herdeiros co nome de Astilleros y Varaderos Gumersindo Paz (GUPAZ). En 1982 e 1983 a Sociedade Anómina Astilleros Ferrolanos SA compra o estaleiro e pasa a chamarse Astafersa.[1]

Astafersa adicouse á fabricación de buques en aceiro, aluminio e fibra de vidro. Desde 1986 a 1990 estivo dirixido por Juan Fernández. En 2007 tras varios ERE e despidos as instalacións se venderon a Áridos Pantín por 500 euros e o compromiso de facerse cargo dos tres millóns de débeda.[2][3]

En 2009 a empresa Freinaval comezou a traballar nas instalacións.[4] Os estaleiros da Graña e A Cabana foron mercados por Manuel Caamaño pasando a chamarse Blascar e adicándose dende entón principalmente ás reparacións navais.[5]

InstalaciónsEditar

O estaleiro ten dúas gradas de 70 metros.

Buques construídosEditar

 
Acceso a Blascar na Graña.

Dende a súa fundación Astafersa construíu buques de diverso tipo: pesqueiros en aceiro e aluminio, embarcacións auxiliares en fibra de vidro e catamaráns.[6]

  • 1981-1983, 2 pesqueiros de aceiro para Senegal.
  • 1982-1984, 10 embarcacións pesqueiras auxiliares en aluminio para Portugal.
  • 1982-1986, 20 embarcacións de vela de 6,89m de eslora e 2,5m de manga fabricadas en fibra de vidro para a Armada Española.
  • 1983-1986, 8 pesqueiros de cerco para Angola.
  • 1984-1986, 5 embarcacións de 9,3m de eslora e 3.15m de manga fabricadas en poliéster.
  • 1985, 1 catamarán de regatas clase IC con resinas epoxi, primeiro construído en España.
  • 1985-1987, 17 embarcacións auxiliares de pesca de 6,20m de eslora e 2,6m de manga en poliéster para Portugal.
  • 1986, 1 embarcación de regatas de media tonelada de 9,05m de eslora e 3,1m de manga en poliéster. 4 embarcacións de transporte de persoal. 2 lanchas de transporte de mergulladores.
  • 1986-1987, 3 arrastreiros de 26,5m de eslora en aceiro.
  • 1988-1989, 2 palangreiros refrixerados de 26,5m de eslora e 27m de eslora. 1 palangreiro conxelador de 27m
  • 1989, unha embarcación clase One Tom de 12,16m de eslora e 4,05m de manga para a Armada Española. Un limpaportos Y-451 de 12m de eslora 3m de manga e 1,2m de calado.
  • 1989-1990, 3 palangreiros de 27m, dous deles de 33,5m. En aceiro.
  • 1990, unha embarcación 3/4 de 10,16m en poliéster. 1 palangreiro conxelador de 29m de eslora. 1 buque de salvamento e limpaportos de 25m de eslora.
  • 1991-1992, 1 catamarán de 22m en aluminio. 1 palangreiro de 33,5m de aceiro.
  • 1994-1995, 1 palangreiro de 25m en aceiro.
  • 1995, 1 embarcación de 11m.
  • 1997-1998, 5 arrastreiros por popa de 27,5m en aceiro.
  • 1999-2000, 2 atuneiros de 38,30m de eslora en aceiro.
  • 2000, 1 catamarán e un buque de pasaxeiros en poliéster.
  • 2000-2001

NotasEditar

Véxase taménEditar

BibliografíaEditar

  • Antón Viscasillas, Jaime e Alejandro Anca Alamillo. La Graña-La Cabana : base e industria naval (1726-2015) Madrid, 2015 ISBN 978-84-608-2681-1