Abrir o menú principal

Asados, Rianxo

parroquia do concello de Rianxo

Coordenadas: 42°40′39″N 8°47′17″O / 42.67750, -8.78806

Asados
Igrexa de Santa María de Asados.jpg
Igrexa de Santa María de Asados.
ConcelloRianxo
Área18 km²
Poboación1.423 hab. (2013)
Densidade79,06 hab./km²
Entidades de poboación17

Santa María de Asados é unha parroquia que se localiza no sur do concello de Rianxo. Segundo o padrón municipal (INE 2013) ten 1.423 habitantes (681 homes e 742 mulleres) distribuídos en 17 entidades de poboación (aldeas). A poboación sofre un progresivo descenso, desde os 1.698 habitantes do ano 1999 e 1.554 habitantes do ano 2004.

HistoriaEditar

No lugar da Mámoa naceu o padre franciscano Frei Luís Iglesias González (8 de maio de 1767 - Madrid, 1835), confesor da Raíña e catedrático da Universidade de Santiago.

Nesta parroquia viviu e morreu, de tuberculose, o poeta Manuel Antonio (28 de xaneiro de 1930).

PatrimonioEditar

Na parroquia de Asados atópase unha necrópole megalítica composta por máis de 20 túmulos. Atopáronse nela diferentes restos de interese: machadas de pedra pulida, puntas de frecha de sílex e distintas pezas de cerámica.

Tamén existen varios xacementos con petróglifos. Entre eles, o das Barras, no alto do Pelotiño, con oito estacións nas que se poden observar círculos, cazoletas e figuras cadriculadas.

Asados na cultura popular galegaEditar

  • A aldeia da Atalaia/ rodeada de loureiros/ non a pasean casados/ que a pasean solteiros [1].
  • En Somoza nace o sol,/ na Marquesa nace a lúa,/ na aldea da Atalaia/ nace a estrela da fortuna [2].

Galería de imaxesEditar

Lugares e parroquiasEditar

NotasEditar

  1. A Atalaia é un lugar da parroquia de Santa María de Asados (Rianxo). Fermín Bouza Brey: "Cantigas populares da Arousa", en Arquivos do Seminario de Estudos Galegos III, 1929, 153-204 [en facsímile II], 203. No texto: Atalaya, non-a.
  2. Fermín Bouza-Brey: "Cantigas populares da Arousa", en Arquivos do Seminario de Estudos Galegos III, 1929, 153-204 [en facsímile II], 202. No texto: Atalaya. Somoza, A Marquesa e A Atalaia son tres lugares da parroquia de Santa María de Asados (Rianxo).

Véxase taménEditar

Outros artigosEditar

BibliografíaEditar

  • BOUZA BREY, Fermín: "Cantigas populares da Arousa", en Arquivos do Seminario de Estudos Galegos III, 1929, 153-204.