Artemisia Gentileschi
Artemisia Lomi Gentileschi, nada en Roma o 8 de xullo de 1597 e finada en Nápoles contra 1654, foi unha pintora caravaggista italiana coñecida como Artemisia. Filla do pintor toscano Orazio Gentileschi (1563-1639) , viviu na primeira metade do século XVII. Agostino Tassi foi o seu mestre de debuxo.
| Artemisia Gentileschi | |
|---|---|
 Autorretrato como alegoría da pintura. Royal Collection, Windsor. Londres. | |
| Nome | Artemisia Lomi Gentileschi |
| Nacemento | 8 de xullo de 1596 |
| Roma | |
| Falecemento | 1654 |
| Nápoles | |
| Cónxuxe(s) | Pierantonio Stiattesi |
| Eido | Pintura |
| Movemento | Barroco |
| Na rede | |
    | |
 | |
| [ editar datos en Wikidata ] | |
O seu pai, seguidor do naturalismo tenebrista de Caravaggio,[1] cedeulle en herdanza o seu obradoiro,[1] e influíuna cunha forte acentuación dramática, produto das obras de Caravaggio e cargada de efectos teatrais. Este elemento estilístico contribuíu á difusión do caravaggismo en Nápoles, cidade á cal se trasladou en 1630.
ObraEditar
Artemisia era a súa propia axente e administradora da súa obra, na que predominan as mulleres-símbolo, como por exemplo Lucrecia, Batxeba, Xudith ou Cleopatra, enfocadas dende un punto de vista feminino.[1] Por exemplo, no seu cadro Susana e os vellos, un nu que pintou con dezasete anos, non escolle como era habitual o intre do baño de Susana, senón no que marcha arrepiada polas olladas luxuriosas dos vellos.[1]
Outro exemplo é a súa Xudit en Xudit decapitando a Holofernes, nin nova, nin vulnerable ou feble, senón unha muller forte de mediana idade concentrada e que sabe o que fai, e que ademais é axudada por unha criada cómplice.[1] A súa experiencia vital tivo unha grande influencia na súa produción. Tivo predilección por temas que xa pintaban Caravaggio, Rembrandt e Rubens.[1]
RecoñecementoEditar
O documental Artemisia Gentileschi, la pintora guerrera recupera a súa figura.[2]
NotasEditar
- ↑ 1,0 1,1 1,2 1,3 1,4 1,5 Mujeres artistas de la historia, Michelle Brugués Widner, dDONA, páxs. 76-77, abril-maio 2011, B-4987-2006 (en castelán)
- ↑ Gómez, Berta (2021-02-10). "‘Artemisia Gentileschi, pintora guerrera’: el documental que rescata la figura de la artista sin sensacionalismo". ElDiario.es (en castelán). Consultado o 2021-02-11.
Véxase taménEditar
Wikimedia Commons ten máis contidos multimedia na categoría: Artemisia Gentileschi  |
Ligazóns externasEditar
 |
Este artigo sobre arte é, polo de agora, só un bosquexo. Traballa nel para axudar a contribuír a que a Galipedia mellore e medre.
Existen igualmente outros artigos relacionados con este tema nos que tamén podes contribuír. |