Arredondamento

O arredondamento[1] é o proceso mediante o cal se eliminan cifras significativas dun número a partir da súa representación decimal, para obter un valor aproximado. Simbolízase con ≈. Por exemplo, 2,95 ≈ 3 ou √2 ≈ 1,414 .[2]

O arredondamento utilízase co fin de facilitar os cálculos. Como desvantaxe, ao calcular con valores aproximados acumúlanse erros de que poden facer variar significativamente o valor estimado obtido respecto do valor irreal.

Métodos de arredondamentoEditar

Método común de arredondamentoEditar

As regras do arredondamento aplícanse ao decimal situado na seguinte posición ao número de decimais que se queira transformar. É dicir, se temos un número de tres decimais e queremos arredondar á centésima, aplicaranse as regras de arredondamento:

  • Díxito menor que 5: se o seguinte decimal é menor que 5, o anterior non se modifica.
Exemplo: 12,612. Arredondando a dous decimais, débese ter en conta o terceiro decimal: 12,612 ≈ 12,61.
  • Díxito maior ou igual a 5: se o seguinte decimal é maior ou igual a 5, o anterior increméntase nunha unidade.
Exemplo: 12,618. Arredondando a dous decimais, débese ter en conta o terceiro decimal: 12,618 ≈ 12,62
Exemplo: 2,3571. Arredondando á centésima é 2,36 , debido a que 2,3571 está máis preto de 2,36 que de 2,35.

Regras para casos particularesEditar

Nos seguintes exemplos, deséxase arredondar cada número ás centésimas (o derradeiro díxito requirido é o segundo díxito despois da coma decimal):

a) 4,123 ⇒ Regra 1: se o díxito á dereita do derradeiro requirido é menor que 5, o derradeiro díxito requirido déixase intacto. Resposta: 4,12

b) 8,627 ⇒ Regra 2: se o díxito á dereita do derradeiro requirido é maior que 5, o derradeiro díxito requirido aumenta unha unidade. Resposta: 8,63

c) 9,425110 ⇒ Regra 3: se o díxito á dereita do derradeiro requirido é un 5 non seguido de ceros, o derradeiro díxito requirido aumenta unha unidade. Resposta: 9,43

d) 7,385 ou 7,385000 ⇒ Regra 4: se o díxito á dereita do derradeiro requirido é un 5 seguido de ceros, o derradeiro díxito requirido déixase intacto se é par. Resposta: 7,38

e) 6,275 ou 6,275000 ⇒ Regra 5: se o díxito á dereita do derradeiro requirido é un 5 ou seguido de ceros, o derradeiro díxito requirido aumenta unha unidade se é impar. Resposta: 6,28

Véxase taménEditar

Outros artigosEditar

Ligazóns externasEditar

NotasEditar

  1. Entrada "Arredondamento" no Dicionario da RAG e no Portal das Palabras.
  2. Matemáticas, 1º de ESO. Números decimais. Arredondamento e truncamento Arquivado 19 de setembro de 2019 en Wayback Machine.. Materiais en rede na aula virtual do CPI Manuel Suárez.