Arquidiocese ortodoxa grega de América
A Arquidiocese de América é unha xurisdición ortodoxa nos Estados Unidos, parte da Igrexa ortodoxa de Constantinopla.
| Arquidiocese de América | |
|---|---|
 | |
| Datos xerais | |
| Localización | Estados Unidos |
| Información | |
| Igrexa | Igrexa Ortodoxa de Constantinopla |
| Ritos | Rito bizantino |
| Xerarquía | |
| Patriarca | Bartolomeu I |
| Arcebispo | Demetrios de América |
Historia editar
Antes do estabelecemento dunha arquidiocese ortodoxa grega no hemisferio occidental, había numerosas comunidades de cristiáns ortodoxos gregos, sen organización eclesiástica propia; a primeira destas comunidades localizouse en Nem Smyrna.[1][2][3] A primeira igrexa e comunidade eclesiástica deles nas Américas foi estabelecida en 1864, en Nova Orleáns, Luisiana, por unha pequena colonia de comerciantes gregos.[4][3][5] A primeira comunidade permanente foi fundada na cidade de Nova York en 1892, onde hoxe está a catedral arquidiocesana e a sé do arcebispado.[6] A arquidiocese ortodoxa grega de América do Norte e do Sur foi estabelecida en 1921, e oficialmente recoñecida polo Estado de Nova York en 1922.
En 1908 a Igrexa de Grecia recibira autoridade sobre os gregos ortodoxos en América, mais en 1922 o patriarca Melecio IV de Constantinopla transferiu a arquidiocese novamente á xurisdición da Igrexa de Constantinopla. En 1996 a arquidiocese foi dividida polo Patriarcado Ecuménico, dividindo a administración dos dous continentes en catro partes (América, Canadá, América Central e América do Sur), deixando só o territorio dos Estados Unidos para a Arquidiocese de América.
Organización editar
A arquidiocese de América está composta por un distrito arquidiocesano (a cidade de Nova York) e oito metrópoles: Nova Jersey, Chicago, Atlanta, Detroit, San Francisco, Pittsburgh, Boston e Denver. Está gobernada polo Arcebispo e polo Sínodo Eparquial de Metropolitanos. O Sínodo está dirixido polo Arcebispo (como primeiro entre iguais) e comprende aos Metropolitas das diferentes metrópoles.
Ten mais de 500 parroquias, 800 sacerdotes e entre 400.000 e 2 millóns de fieis, dependendo das fontes. Os estados co maior número de fieis son Massachusetts, New Hampshire, Rhode Island e Nova York. Porén, tamén hai un gran número de fieis en Florida e California. A arquidiocese tamén inclúe 21 comunidades monásticas. Ademais, a arquidiocese dirixe un seminario, a Holy Cross Greek Orthodox School of Theology en Brookline, Massachusetts, que atende non só aos seminaristas ortodoxos gregos, senón tamén aos seminaristas doutras xurisdicións.
Episcopoloxio editar
- Alexander Demoglou (1922 - 1930)
- Aristocles Spyrou (1931 - 1948)
- Michael Konstantinides (1948 - 1958)
- Iakovos Koukouzis (1959 - 1996)
- Spryridon Papageorge (1996 - 1999)
- Dimitrios Trakatellis (1999 - actualidade)
Notas editar
- ↑ (Karpathakis 2013, p. 395)
- ↑ Erickson, John H. (2010). Orthodox Christians in America: A Short History [Cristiáns ortodoxos en América: unha historia breve]. Oxford University Press. p. 73. ISBN 9780199951321.
- ↑ 3,0 3,1 Hemeyer, Julia Corbett (2015). Religion in America [Relixión en América]. Taylor & Francis. p. 142. ISBN 9781317344575.
- ↑ LeMay, Michael C. (2015). Doctors at the Borders: Immigration and the Rise of Public Health [Doutores nas fronteiras: a inmigración e o xurdimento da sanidade pública]. ABC-CLIO. p. 170. ISBN 9781440840258.
- ↑ (Karpathakis 2013, p. 400)
- ↑ (Karpathakis 2013, p. 400)
Véxase tamén editar
Bibliografía editar
- Karpathakis, Anna (2013). "Greeks and Greek-Americans, 1870-1945". En Barkan, Elliott Robert. Immigrants in American History: Arrival, Adaptation, and Integration [Os inmigrantes na historia americana: chegada, adaptación e integración]. ABC-CLIO. p. 395. ISBN 9781598842197.