Armstrong Whitworth Meteor
O Armstrong Whitworth Meteor foi un caza nocturno británico baseado no Gloster Meteor e fabricado por Armstrong Whitworth. Ata o 1951, o Mosquito foi o caza nocturno normalizado pola RAF e precisábase un caza nocturno a reacción equipado con radar. A Gloster estaba ocupada na construción de cazas diúrnos Meteor, de xeito que Armstrong Whitworth en cargouse de producir o Meteor nocturno. O prototipo converteuse dun Meteor T.Mk 7, a variante bipraza de adestramento, e voou o 31 de maio do 1950. O primeiro modelo nocturno, o NF.Mk 11, entrou en servizo en xaneiro do 1951 e seguíronlle os NF.Mk 12, 13 e 14. O Meteor foi substituído a partir do 1956 polo Javelin; a derradeira unidade, o Escuadrón 60 de Tengah (Singapur), realizou a transición no 1961. Algúns Meteor nocturnos excedentes serviron ata 1968 en misións de instrución e remolque de brancos.
| Armstrong Whitworth Meteor | |
|---|---|
 | |
| Tipo | Caza |
| Fabricante | Armstrong Whitworth |
Especificacións
editar- Tipo: Caza nocturno bipraza Armstrong Whitworth Meteor NF.Mk 11.
- Construtor: Armstrong Whitworth.
- Ano: 1950.
- Principal usuario: Royal Air Force.
- Envergadura: 13,10 m.
- Lonxitude: 14,78 m.
- Altura: 4,24 m.
- Area alar: 34,74 m².
- Peso cargado: 8.976 kg.
- Planta motriz: 2 Rolls-Royce Derwent de 3.600 libras de pulo unitario.
- Armamento: 4 canóns de 20 mm na ala.
- Velocidade máxima: 579 millas/h a 10.000 pés.
- Alcance operacional: 920 millas.