Armorial de Zúric
O armorial de Zúric (alemán: Zürcher Wappenrolle) é un armorial realizado contra 1340 presumibelmente no que hoxe é o leste de Suíza, dentro ou preto do actual cantón de Sankt Gallen. Consérvase no Museo Nacional Suízo de Zúric.
| Armorial de Zúric | |
|---|---|
| Museo Nacional Suízo, Zúric | |
 | |
| Tamén coñecido como | Armorial de Zürich |
| Tipo | Armorial |
| Data | c. 1340 |
| Lugar de orixe | Leste de Suíza |
| Autor(es) | Descoñecido |
| Material | Pergamiño |
| Dimensións | 450 cm × 125 mm |
| Formato | Rolo |
| Contido | 450 armas (outrora 559) e 28 bandeiras |
| Posesións previas | Johann Jakob Scheuchzer |
| Identificador | AG 2760 |
| [ modificar datos en Wikidata ] | |
Historia e características editar
O documento foi propiedade do naturalista e historiador zuriqués Johann Jakob Scheuchzer (1672-1733). A súa historia previa é descoñecida. Foi entregado á biblioteca da cidade de Zúric polo sobriño de Scheuchzer en 1750. En 1860, a Antiquarische Gesellschaft de Zúric e o heraldista Heinrich Runge publicaron unha edición facsimilar.
O armorial de Zúric é unha das coleccións de armas sobreviventes máis antigas e importantes da máis baixa nobreza do Sacro Imperio Romano Xermánico. Céntrase xeograficamente na máis grande Suabia, incluíndo a área do lago Constanza, a Suíza xermanófona, Alsacia e Baden.
Consistía en catro tiras de pergamiño, cada unha dun largo de 12,5 cm e unha lonxitude combinada de catro metros. Unha das catro partes perdeuse; nas tres tiras de pergamiño sobreviventes represéntanse, pintados por ámbalas caras, un total de 450 escudos de armas e 28 bandeiras de bispados e mosteiros alemáns. Cada escudo leva unha cimeira que adoita repetir o motivo do escudo, característica propia da heráldica alemá. Os outros 109 escudos representados na parte perdida sobreviven en copias do orixinal, incluída unha na biblioteca dos condes de Königsegg-Aulendorf en Aulendorf e outra realizada por Hans Conrad Bernhauser (1698-1761) e conservada na Biblioteca Central de Zúric.
Galería de imaxes editar
Véxase tamén editar
Wikimedia Commons ten máis contidos multimedia na categoría: Armorial de Zúric  |
Bibliografía editar
- Clemmensen, Steen (2017). Armorials - listed by Sigla (PDF) (versión PDF). Ordinary of Medieval Armorials (en inglés) (2.ª ed.). Farum, Dinamarca. pp. 284–285.
- Popoff, Michel (2015) [1986]. Le Rôle d’armes de Zurich. Documents d'héraldique médiévale (en francés) (nova ed.). París: Le Léopard d'or. ISBN 2-86377-243-0.
Ligazóns externas editar
- "AG 2760 – Zürcher Wappenrolle". e-codices – Virtuelle Handschriftenbibliothek der Schweiz (en alemán, inglés, francés, e italiano).
- "Armoiries". Dicionario Histórico de Suíza (en francés, alemán, e italiano).
- "Zürcher Wappenrolle". Heraldik-Wiki (en alemán).