Areeta

barrio da vila vasca de Getxo

Coordenadas: 43°19′32″N 3°00′48″O / 43.32556, -3.01333 Areeta (en castelán e cooficialmente: Las Arenas) é un barrio da cidade de Getxo, en Biscaia. É o segundo núcleo poboacional do concello cunha poboación de 26.807 habitantes en 2013.

Praia de Areeta. Ao fondo, o porto e o paseo.

Trátase dun barrio de densidade poboacional media no que se combina unha nutrida zona comercial ao redor da Calle Mayor con zonas residenciais. Está conectado a Portugalete por medio da Ponte Colgante e ao barrio de Algorta por medio da Avenida Zugazarte. Ten tamén un porto de recreo e unha praia (o que queda dos antigos areais da zona que dan nome ao barrio).

Pode dividirse en tres: Areeta centro, vertebrado arredor da Calle Mayor; Santa Ana, barrio tranquilo situado xunto a Leioa; e Zugazarte, área articulada arredor da Avenida Zugazarte xunto ao barrio de Neguri.