Aragón 2 HD
Aragón 2 HD é a segunda canle de Televisión Autonómica de Aragón, S.A., que pertence ao ente público Corporación Aragonesa de Radio y Televisión. Foi a primeira canle en emitir en España en alta definición.[1]
| Aragón 2 HD | |
|---|---|
| Inicio das emisións | 25 de xuño de 2007 |
| Propiedade de | CARTV |
| Formato da imaxe | 16:9 |
| País |  España
|
| Lingua | Castelán |
| Área de emisión |  Aragón
|
| Canle/s irmá(s) | Aragón TV Aragón TV INT |
Na rede
| |
| www.aragontelevision.es | |
Historia
editarEn xuño de 2008, e coincidindo coa celebración da Exposición Internacional de Zaragoza, a canle comeza a emitir en probas de maneira regular e estable dentro da canle múltiple de TDT que posúe CARTV. A emisión consta naquel momento de reportaxes e documentais, tanto de produción propia como allea.
Co paso do tempo foron incorporándose novos espazos e programas de produción propia producidos en alta definición, así como películas emitidas de forma esporádica, retransmisións deportivas, concertos e outros contidos. Sempre utilizando a fórmula de redifusión dos contidos en bucle de forma continua; método que aínda segue vixente na actualidade.
Ao longo dos últimos anos, CARTV tamén utilizou a canle como segunda xanela, complementando a Aragón TV e dando cabida a eventos que por solapamento de horarios ou outros motivos non eran emitidos pola canle principal do ente: desde partidos de Segunda División ata encontros do CAI Zaragoza en Eurocup ou do CAI Teruel no Campionato de Europa de Voleibol.
Notas
editar- ↑ "Aragón Televisión será la primera televisión española que emita una prueba en TDT y Alta Definición" (en castelán). 9 de xuño de 2006. Arquivado dende o orixinal o 03 de xullo de 2012. Consultado o 03 de novembro de 2018.