Antonio Ramírez de Haro
Antonio Ramírez de Haro, nado a finais do século XV en Villaescusa de Haro e finado o 16 de setembro de 1549 en Burgos, foi un nobre e bispo castelán que pertenceu ao Consello Real de Carlos I de España. Foi capelán maior da Infanta Leonor de Austria, que despois sería raíña de Portugal e Francia. Tamén ostentou dignidades eclesiásticas de importancia, dirixindo entre outras a diocese de Ourense entre os anos 1537 e 1539.
Traxectoria editar
Estudou na Universidade de Salamanca integrado no Colexio Maior de Cuenca, fundado polo seu tío Diego Ramírez de Fuenleal bispo de Astorga, Cuenca e Málaga. Pronto alcanzou os cargos de arcediago de Huete, abade de Santa María de Arbas e capelán maior de Leonor de Austria, por aquel entón infanta de Castela.
O rei Carlos I de España nomeouno inquisidor e comisario apostólico na cidade e Reino de Valencia e no Principado de Cataluña para vixiar a reconversión dos mouriscos. Satisfeito pola súa labor o rei nomeouno Bispo da diocese de Ourense, posto que ostentou ata 1539, cando pasou á de Ciudad Rodrigo, e posteriormente ás de Calahorra e Segovia, posto no que exerceu ata a súa morte en 1549.
| Dignidades da Igrexa católica | ||
|---|---|---|
| Predecesor: Rodrigo Mendoza Manrique |
Bispo de Ourense 1537 - 1539 |
Sucesor: Fernando Niño de Guevara |
| Predecesor: Pedro Pacheco Ladrón de Guevara |
Bispo de Ciudad Rodrigo 1939 - 1941 |
Sucesor: Francisco de Navarra y Hualde |
| Predecesor: Alonso de Castilla y Zúñiga |
Bispo de Calahorra 941 - 1943 |
Sucesor: Juan Yanes |
| Predecesor: Diego Ribera de Toledo |
Bispo de Segovia 1943 - 1949 |
Sucesor: Gaspar de Zúñiga y Avellaneda |