Olympique d'Antibes

(Redirixido desde "Antibes Sharks")

O Olympique d'Antibes Juan-les-Pins, tamén coñecido como Antibes Sharks, é un club de baloncesto profesional francés con sede na cidade de Antibes (Provenza-Alpes-Costa Azul). O equipo compite actualmente na LNB Pro B, a segunda categoría do baloncesto galo. Entre os seus títulos destacan tres campionatos de liga, conseguidos en 1970, 1991 e 1995. O seu pavillón como local é o Azur Arena, con capacidade para 5.249 espectadores.

Antibes Sharks
Salle Jean Bunoz (intérieur).jpg
Información xeral
Liga Pro B
Fundación 1933
Historia Olympique d'Antibes (1933–2012)
Cores                     Azul, ouro, branco
Presidente Francia Freddy Tacheny
Adestrador Francia Julien Espinosa
Localización
Cidade Francia Antibes, Francia
Pavillón Azur Arena Antibes
Capacidade 5.249
Inauguración 2013
Campionatos
Liga 3 (1970, 1991, 1995)
sharks-antibes.com

HistoriaEditar

O Olympique d'Antibes foi fundado no ano 1933, aínda que non competiu a nivel nacional até a década de 1950 cando conseguen o ascenso Nationale 1, a actual Pro A. Só permaneceu un ano na categoría, regresando á segunda división, converténdose a partir de comezo dos anos 60 nun equipo ascensor. En 1970 o equipo logra o seu primeiro título de Liga da man de xogadores como Jean-Claude Bonato, Dan Rodriguez e Jacques Cachemire. Co comezo dos anos 1980, o Antibes sufriu moitas temporadas decepcionantes, aínda que foi mellorando co paso dos anos até a consecuación dun novo título en 1991. A partir desta data o equipo convértese nun dos principais contendentes ao campionato xunto ao Limoges CSP e o Pau-Orthez. En 1995, tras conseguir o seu terceito título, comezaron os problemas económicos no club.

O peor momento chegou no ano 2002, cando, a pesar de terse salvado deportivamente, o equipo descende á ProB debido aos problemas financieiros. Os seguintes anos na segunda categoría foron complicados, chegando mesmo a descender na temporada 2006–07 á Nationale 1, unha categoría afeccionada. Este descenso prodúxose após ocupar o décimo sexto lugar na liga. Este posto usualmente daba a salvaci-on aos equipos, mais ese ano decidírase reducir o número de equipos das ligas profesionais francesas. Con todo, o equipo consegue recuperar a categoría na seguinte temporada, gañando ademais ese primeiro ano a Copa Pro B.

Tras varios anos na Pro B, na temporada 2013 o equipo ambiciona de novo o ascenso. Para elo tiña que competir con outros favoritos como o Pau-Orthez e o Hyères Toulon, procedentes da Pro A, e o JL Bourg. O equipo acaba finalmente no quinto posto, o cal lle permite xogar os play-offs polo ascenso. Nas eliminatorias consegue eliminar en primeira rolda ao Boulogne-sur-Mer, en semifinais ao Pau-Orthez e na final ao Champagne Châlons-Reims. O seu retorno á máxima cateogría, porén, foi breve, xa que acaban no último lugar con seis vitorias e vinte e catro derrotas. Con todo, o paso polo Pro B esta vez foi máis breve, retornando en tan só un ano á máxima categoría. Nesta ocasión o equipo acabou en segundo lugar na liga regular e gañou nos play-offs polo ascenso a Le Portel, Denain Voltaire e Souffelweyersheim.[1]

Ano a anoEditar

Ano Nivel Liga Pos. Copa
2008–09 2 Pro B 11th Oitavos de final
2009–10 2 Pro B 16º Cuartos de final
2010–11 2 Pro B 14º Cuartos de final
2011–12 2 Pro B 11º Rolda de 32
2012–13 2 Pro B Oitavos de final
2013–14 1 Pro A 16º Rolda de 64
2014–15 2 Pro B Rolda de 16
2015–16 1 Pro A 12º Rolda de 32
2016–17 1 Pro A 14º Semifinais
2017–18 1 Pro A 16º Rolda de 32

PalmarésEditar

Liga de Francia

  • Campións (3): 1970, 1991, 1995

Segunda División de Francia

  • Campións (1): 2013

XogadoresEditar

DestacadosEditar

NotasEditar

  1. "Historique des classements". sharks-antibes.com (en francés). Consultado o 13 de setembro de 2018. 

Véxase taménEditar

Ligazóns externasEditar