Anomalópidos

Os Anomalópidos (Anomalopidae) ou ollos de lanterna son unha familia de peixes mariños teleósteos, incluída na orde Bericiformes (Beryciformes). Distribúense por augas tropicais, principalmente do Índico e Pacífico.

Anomalops katoptron

Características

O trazo característico destes peixes é un órgano bioluminiscente situado baixo o ollo, dotado dunha cuberta cutánea que permite regular a cantidade de luz que emite e que serve para atraer o zooplancto do que se alimentan; a luz está producida por bacterias simbionte.

Teñen unha única espiña na aleta pelviana, 2 ou 3 espiñas na aleta anal e 2 a 6 na dorsal. Miden ó redor de 30 cm de lonxitude.

Viven en augas profundas pero durante e escuridade da noite a maioría de especies soben a augas superficiais para alimentarse do zooplancto.

Clasificación

Divídense en seis xéneros e oito especies:

• Xénero Anomalops (Kner, 1868)
• Xénero Kryptophanaron (Silvester e Fowler, 1926)
• Xénero Parmops (Rosenblatt e Johnson, 1991)
• Xénero Photoblepharon (Weber, 1902)
• Xénero Phthanophaneron (Johnson e Rosenblatt, 1988)
• Xénero Protoblepharon (Baldwin, Johnson e Paxton, 1997)

Véxase tamén

Ligazóns externas

• Taxonomía FishBase
• Órganos bioluminiscentes