Anna Coble
Anna Jane Coble-Mullen[1] nada en Raleigh, Carolina do Norte en 1936 e finada o 3 de marzo de 2009, foi unha biofísica americana. Foi a primeira muller negra e obter un doutoramento en biofísica, e a primeira muller negra contratada na Universidade de Howard.
| Biografía | |
|---|---|
| Nacemento | 1936  |
| Morte | 3 de marzo de 2009 (72/73 anos) |
| Datos persoais | |
| País de nacionalidade | Estados Unidos de América |
| Educación | Universidade Howard (pt)  Universidade de Illinois en Urbana-Champaign |
| Actividade | |
| Ocupación | biofísica |
| Empregador | Universidade Howard (pt) Universidade Agrícola e Técnica do Estado da Carolina do Norte (pt) |
Traxectoria editar
Anna Coble, filla dun profesor da Universidade de San Agustín, interesouse polas matemáticas e a física.[2] Estudou matemáticas na Universidade Howard, obtendo unha licenciatura en 1958 e unha mestría en 1961.[2] Despois de graduarse, ensinou física na Universidade Estatal de Carolina do Norte A&T durante catro anos. Trasladouse á Universidade de Illinois en Urbana-Champaign para os seus estudos de posgrao, onde se converteu nunha defensora das minorías e das mulleres. [3] Completou o seu doutoramento en 1973 baixo a supervisión de Floyd Dunn. Pasou dous anos na Universidade de Washington en St. Louis estudando o impacto do ultrasón de alta intensidade nas ras.[2]
Investigación editar
Coble volveu á Universidade Howard, onde foi a primeira muller negra contratada na facultade. Pasou todo un verán buscando casas para 200 estudantes negros graduados, perdendo a súa propia investigación. Durante a súa estancia na Universidade Howard houbo un recorte de entre o 30 e o 40% nas bolsas de investigación federais. Formou parte de "Escribir a través do currículo".[4] Finalmente foi promovida a Profesora Asociada.[2]
Pertenceu á Sociedade Nacional de Físicos Negros.[5] Foi membro da xunta do Fogar Ionia Whipper, un refuxio para adolescentes abandonadas.[2] Desenvolveu recursos educativos para a Academia Nacional de Ciencias e o Consello Nacional de Investigación.[6]
Traballou coa Asociación Americana para o Avance da Ciencia e a Asociación Americana de Profesores de Física para apoiar aos grupos subrepresentados na ciencia.[3] Un proxecto, o Proxecto da Igrexa Negra da AAAS, levou a ciencia práctica (hands-on science) á mocidade da área de Washington.
Notas editar
- ↑ Anna Coble-Mullen
- ↑ 2,0 2,1 2,2 2,3 2,4 Jordan, Diann (2007). Sisters in science : conversations with black women scientists about race, gender, and their passion for science. West Lafayette, Ind.: Purdue University Press. ISBN 9781557534453. OCLC 137292168.
- ↑ 3,0 3,1 "Narratives of the Double Bind: Intersectionality in Life Stories of Women of Color in Physics, Astrophysics and Astronomy". TERC. Consultado o 23-5-2020.
- ↑ "WAC Faculty". Arquivado dende o orixinal o 15-08-2020. Consultado o 23-5-2020.
- ↑ "The Genesis of the National Society of Black Physicists" (PDF). AIP. Consultado o 23-5-2020.
- ↑ "Resources for Teaching Elementary School Science". National Science Resources Center. Consultado o 23-5-2020.