Anievas

Anievas
Localización
	43°12′11″N 4°00′02″O / 43.203055555556, -4.0005555555556Coordenadas: 43°12′11″N 4°00′02″O / 43.203055555556, -4.0005555555556
Estado	España
Comunidade autónoma	Cantabria
Capital	Anievas (en)
Poboación
Poboación	268 (2023) (12,82 hab./km²)
Xeografía
Superficie	20,9 km²
Altitude	268 m
Comparte fronteira con	Arenas de Iguña ; San Felices de Buelna ; Los Corrales de Buelna ; Corvera de Toranzo
Organización política
• Alcalde	Agustín Perna Vaca (en)
Identificador descritivo
Código postal	39451
Fuso horario	UTC+01:00
Código INE	39003
Páxina web	aytoanievas.org

Anievas é un concello da comunidade autónoma de Cantabria (España). Limita polo norte con Los Corrales de Buelna e San Felices de Buelna, polo oeste e sur con Arenas de Iguña e polo leste con Corvera de Toranzo. Este pequeno municipio, situado no centro xeográfico de Cantabria é un pequeno vale da cunca do río Besaya.

Localidades editar

Os 361 habitantes de Anievas (INE, 2008) distribúense polas seguintes localidades:

Barriopalacio, 102 hab.
Calga, 47 hab.
Cotillo (Capital), 129 hab.
Villasuso, 83 hab.

Economía editar

A principal actividade económica é a gandaría e a agricultura. Anievas presenta un equilibrio económico entre os sectores económicos, posto que o sector primario emprega o 23,5% da poboación, o secundario o 37,4%, e o terciario o 39,1%.

Festas editar

26 de xullo, Santa Ana (Villasuso).
5 de agosto, A Virxe das Neves (Cotillo).
15 de agosto, A Nosa Señora da Asunción (Barriopalacio).
16 de agosto, San Roque (Calga).

Demografía editar

Evolución demográfica
1900	1910	1920	1930	1940	1950	1960	1970	1980	1990	2000	2005
661	722	705	622	716	663	634	603	499	477	381	381

Fonte: INE

Administración editar

José Díaz Gómez (PP) é o actual alcalde do municipio, tras revalidar o seu cargo nas eleccións municipais de 2007. Nestas táboas móstranse os resultados das eleccións municipais celebradas no ano 2003 e 2007.

Eleccións municipais, 25 de maio de 2003
Partido	Votos	%	Concelleiros
PP	199	43,75 %	5
PRC	59	18,61 %	1
PSOE	53	16,72 %	1

Alcalde electo: José Díaz Gómez (PP).

Eleccións municipais, 27 de maio de 2007
Partido	Votos	%	Concelleiros
PP	178	58,36 %	5
PRC	70	22,95 %	1
PSOE	48	15,74 %	1

Alcalde electo: José Díaz Gómez (PP).

Patrimonio editar

Ten dous dos bens de interese cultural de Cantabria. Por un lado, a igrexa de San Andrés en Cotillo, con categoría de Monumento. Por outro lado, é un dos municipios polos que se estende o Conxunto arqueolóxico de Espina del Gallego, Cildá, El Cantón e Campo de Las Cercas canda Corvera de Toranzo, Molledo, Arenas de Iguña, San Felices de Buelna e Puente Viesgo.