Angoares, Ponteareas

San Pedro de Angoares é unha parroquia que se localiza no concello pontevedrés de Ponteareas na comarca do Condado. Segundo o padrón municipal de 2013 tiña 486 habitantes (262 mulleres e 224 homes), distribuídos en 5 entidades de poboación, o que supón un lixeiro aumento en relación ao ano 2004 cando tiña 482 habitantes.

Angoares
Igrexa parroquial
Concello	Ponteareas
Provincia	Pontevedra
Coordenadas	42°09′53″N 8°30′24″O
Poboación	459 hab. (2018)
Entidades de poboación	6
[ editar datos en Wikidata ]

Demografía

Fonte: IGE

	2018	2017	2016	2015	2014
HOMES	214	214	221	243	223
MULLERES	245	247	235	224	255
TOTAL	459	461	456	467	478

Patrimonio histórico artístico

A igrexa de San Pedro de Angoares é do século XII. A súa orixe hai que buscala nun mosteiro visigodo situado sobre unha vila romana, séculos máis tarde construiríase a igrexa románica. Ten planta de cruz latina e testeiro recto, destacando os seus capiteis e a magna colección de canzorros antropomorfos e zoomorfos. Algúns dos personaxes esculpíronse sentados coas mans suxeitando a súa cabeza, como se estivesen meditando. A antiga fachada románica desapareceu logo dunha reforma feita no ano 1900.

Pola parroquia de Angoares pasa o río Tea e o seu afluente o río Uma. Neste último, no lugar de Cabalón, existe unha ponte medieval xunto á cal mana un manancial que, segundo din, é similar á auga que agroma na vila de Mondariz. Pódese pasear pola súa ribeira apreciando e admirando a vexetación e fauna típica de bosque de ribeira.

Lugares e parroquias

Lugares de Angoares

Lugares da parroquia de Angoares no concello de Ponteareas (Pontevedra)
A Abelleira | O Cabalón | O Carballal | Picón | As Searas | A Valboa

Véxase tamén

Bibliografía

• Clodio González e Mariano Piñeiro. Historia de Puenteareas. ISBN. 

Outros artigos

• Lugares de Ponteareas