Pancho Martínez
Andrés Martínez García, coñecido como Pancho Martínez, nado en Rianxo o 30 de decembro de 1957 e finado na mesma vila o 24 de novembro de 2010, foi un actor, director de teatro e dramaturgo galego.
| Biografía | |
|---|---|
| Nacemento | 30 de decembro de 1957  Rianxo, España |
| Morte | 24 de novembro de 2010 (52 anos) |
| Datos persoais | |
| País de nacionalidade | España |
| Actividade | |
| Ocupación | director teatral |
| Lingua | Lingua castelá |
Traxectoria editar
Como estudante de bacharelato en Padrón coñeceu o profesor e poeta Bernardino Graña. De volta en Rianxo comezou a traballar no teatro afeccionado. Posteriormente traballou como actor de dobraxe e iniciouse como actor para cinema co filme Urxa.
A partir da década dos noventa, alternou as súas interpretacións en series de televisión co seu labor en obras de teatro, tanto como actor e autor coma como director. Tamén colaborou con distintos medios de comunicación, como El Correo Gallego ou a Radio Galega.
Principais papeis editar
Televisión editar
- Brigada Central (un episodio en 1989)
- El Comisario (Telecinco, tres episodios en 2002[1]).
- Rías Baixas
- Terra de Miranda
- Gondar (un episodio en 2009).
Teatro editar
- O mozo que chegou de lonxe (Centro Dramático Galego, dirixida por Mario Gas).
- Xelmírez ou a gloria de Compostela (Centro Dramático Galego, dirixida por Roberto Vidal Bolaño).
Obras editar
Notas editar
- ↑ Ficha persoal, IMDb
- ↑ Un apaixonado da escena Arquivado 04 de marzo de 2016 en Wayback Machine., Galicia Hoxe, 25/11/2010
Vida persoal editar
Rexentaba ademais un coñecido restaurante en Rianxo, chamado Don Pancho.