Anal Cunt, tamén coñecida coma AxCx e A.C. por razóns da censura, foi unha banda estadounidense de grindcore, formada en Newton (Massachusetts) en 1988. Dende a súa aparición, o grupo tivo un bo número de cambios na formación, sendo o vocalista Seth Putnam o único membro que estivo sempre no grupo, que se desfixo trala súa morte en 2011. Coñecidos polo seu estilo grindcore e as súas controvertidas letras, Anal Cunt editou oito álbums de estudio ademais de varios recompilatorios e EPs.

Anal Cunt
O vocalista da banda, Seth Putnam
OrixeNewton (Massachusetts), Estados Unidos
Período1988 - 2001
2003 - 2011
Xénero(s)grindcore
Selo(s) discográfico(s)Relapse, Earache, Psychomania, Devour, Conquest, Menace to Sobriety, Wicked Sick, Limited Appeal
MembrosSeth Putnam
Tim Morse
Antigos membrosJosh Martin
Fred Ordonez
Paul Kraynak
Scott Hull
John Kozik
John Gillis
Nate Linehan
Mike Mahan
Na rede
http://www.sethputnam.com
MySpace: axcx Bandcamp: analcunt Spotify: 49xcIDVId0Sp8C7GQFtJJj Last fm: Anal+Cunt Musicbrainz: 8cde362e-2c23-41d3-834f-5015aa3b334f Songkick: 92020 Discogs: 276341 Allmusic: mn0000024800 Editar o valor em Wikidata

A banda foi categorizada como grindcore, noisecore e hardcore. Acotío refírense a ela polas súas iniciais A.C. (ás veces escrito coma AxCx) debido á natureza ofensiva do seu nome e pola censura nalgunhas radios e publicacións, e en moitas das súas portadas só aparecen estas iniciais. Porén, a banda logrou subverter esta abreviatura debuxando esas letras como un ano e unha vulva. O seu primeiro material consistía en letras ou música non escritas anteriormente. A banda desenvolveu un estilo que consistía nun son extremadamente alto, rápido e agresivo que era creado no momento. Cos anos, a banda cambiou o seu estilo, e aos poucos comezou a incorporar máis riffs e letras pre-compostas aos temas. Non foi ata entón cando a banda gañou a súa reputación internacional de escandalosos e ofensivos.

Discografía editar