Ana Monreal
Ana Monreal Vidal, nada en Pamplona en 1984, é unha enxeñeira industrial e empresaria española. É cofundadora das empresas iAR, Smart Lean Solutions e Bambrai, así como a representante en España da empresa Sirea. [1]
| Biografía | |
|---|---|
| Nacemento | 1984  (39/40 anos)Pamplona, España |
| Datos persoais | |
| País de nacionalidade | España |
| Actividade | |
| Ocupación | enxeñeira industrial |
Traxectoria editar
Monreal estudou Enxeñería Industrial entre 2002 e 2007 na Universidade Pública de Navarra (UPNA). Realizou o seu traballo fin de grao Estudo de viabilidade dunha unidade hidráulica de pila de combustible durante unha estancia Erasmus en Braunchweig en Alemaña e obtivo a súa máxima nota.[2][3] Ao finalizar o grao, Monreal especializouse en enerxías renovables cursando un máster na Universidade CEU San Pablo de Madrid. Entre 2008 e 2013 traballou como investigadora no Centro Nacional de Enerxías Renovables (CENER) dentro do Departamento de Enerxía Solar Térmica.[2]
En xaneiro de 2014 creou a filial española da multinacional francesa Sirea, dedicada ao control e a automatización.[4] Posteriormente, en marzo de 2014 e xunto con dous socios, Jon Navarlaz e Miguel Ángel Llorente, Monreal puxo en marcha outra empresa, iAR, pioneira no software de realidade aumentada industrial. Esta iniciativa resultou gañadora dun concurso da rede eléctrica francesa e doutro de Volkswagen e tamén resultou gañadora, en 2016, da décima edición do premio Emprendedor XXI.[5] Mediante o software deseñado por iAR, é posible alertar de calquera avaría producida amosando o lugar exacto onde se produciu e mesmo proporciona instrucións de reparación ao técnico de mantemento, facilitando así tanto o seu traballo como reducindo en 60 o tempo destas operacións.[3][6] Ademais, iAR asinou en 2019 un convenio co Centro Nacional de Seguridade e Tecnoloxía Alimentaria (CNTA) para aumentar a eficiencia operativa das empresas alimentarias.[7]
Agradecementos editar
En 2019, Monreal recibiu o premio á Mellor Enxeñeira Industrial do Ano dentro dos Premios Nacionales de Ingeniería Industrial pola súa traxectoria profesional e empresarial.[1]
Notas editar
- ↑ 1,0 1,1 "Ana Monreal y das-Nano reciben los Premios Nacionales de Ingeniería Industrial" (en castelán). 20 de septembro de 2019. Consultado o 11 de febreiro de 2020.
- ↑ 2,0 2,1 "Mentoría STEM" (en castelán). Consultado o 11 de febreiro de 2020.
- ↑ 3,0 3,1 Pamplona, Efe (17 de febreiro de 2019). "Ana Monreal (iAR): "Discriminar a la mujer es un desperdicio de talento bestial"" (en castelán). Consultado o 11 de febreiro de 2020.
- ↑ Emprendedores, Por Redacción (7 de setembro de 2019). "Ana Monreal: emprendedora e ingeniera del año" (en castelán). Consultado o 11 de febreiro de 2020.[Ligazón morta]
- ↑ Redacción/EFE (11 de setembro de 2017). "Los Premios EmprendedorXXI para las 'start-ups' innovadoras se abren a Portugal". diariodenavarra.es (en castelán). Consultado o 8 de decembro de 2021.
- ↑ PAMPLONA, C. L. (14 de novembro de 2016). "Ana Monreal Vidal y la realidad aumentada" (en castelán). Consultado o 11 de febreiro de 2020.
- ↑ "CNTA e iAR, por la digitalización alimentaria" (en castelán). 7 de novembro de 2019. Consultado o 11 de febreiro de 2020.