Amil Ximun Nuna

Amil Ximun Nuna (en árabe: إميل شمعـون نونا), nado en Al-Qux (Iraq) o 1 de novembro de 1967, é un eclesiástico católico caldeo, arcebispo de Mosul entre 2009 e 2015, e dende 2015 arcebispo de San Tomé o Apóstolo de Sydney.

Amil Ximun Nuna

Biografía
Nacemento	1 de novembro de 1967 (56 anos) Alqosh, Iraq (en)
Arcebispo católico
8 de xaneiro de 2010 – ← Paulos Faraj Rahho (pt) – Michaeel Najeeb (en)  → Diocese: Chaldean Catholic Archeparchy of Mosul (en)
Datos persoais
País de nacionalidade	Iraq
Relixión	Igrexa católica
Educación	Universidade Pontificia Lateranense
Actividade
Ocupación	bispo católico (2010–), sacerdote católico (1991–)
Consagración	Emmanuel III Delly (pt)

Traxectoria

Naceu nunha familia asiro-caldea de Al-Qux o 1 de novembro de 1967. Logo de completar a súa educación secundaria, en 1985 entrou no Seminario Patriarcal Caldeo e foi ordenado sacerdote o 11 de xaneiro de 1991 en Bagdad.

Entre 1993 e 1997 foi vigairo parroquial en Al-Qux, e posteriormente párroco até 2000, cando marchou a estudar Teoloxía á Pontificia Universidade Lateranense. Graduouse en 2005 e volveu a Al-Qux.

O 5 de maio de 2009 o Sínodo dos Bispos da Igrexa Católica Caldea elixiu a Nuna como arcebispo de Mosul, e o papa Bieito XVI aceptou a súa escolla o 13 de novembro de 2009. A sé estaba vacante dende o asasinato do seu arcebispo Bulus Farax Rahu en 2008. Amil Nuna recibiu a consagración episcopal o 8 de xaneiro de 2010 de mans do patriarca de Babilonia Manuel III Dali.

Coa toma de Mosul e dos territorios da chaira de Nínive polo Estado Islámico, a súa arquidiocese deixou na práctica de existir. O 15 de xaneiro de 2015 Nuna foi nomeado arcebispo ad personam de San Tomé o Apóstolo de Sydney, con xurisdición sobre todos os caldeos de Oceanía.