Amalia Álvarez Gallego

Amalia Álvarez Gallego, nada en Lugo o 10 de febreiro de 1906 e finada en Pontevedra o 27 de novembro de 2001, foi unha funcionaria galega.

Amalia Álvarez Gallego
Amalia Álvarez Gallego e Alexandre Bóveda
Nacemento	10 de febreiro de 1906
Lugar de nacemento	Lugo
Falecemento	27 de novembro de 2001
Lugar de falecemento	Pontevedra
Soterrada	Cemiterio de Santo Amaro de Pontevedra
Nacionalidade	España
Ocupación	mestra e funcionaria pública
Pai	Xerardo Álvarez Limeses
Cónxuxe	Alexandre Bóveda
Fillos	5: Xela, Alexandre, Xosé Lois, Dolores e Amalia
Irmáns	Xerardo Álvarez Gallego
[ editar datos en Wikidata ]

Traxectoria

Lápida no Cemiterio de Santo Amaro de Pontevedra.

Foi a quinta dos seis fillos de Xerardo Álvarez Limeses e Dolores Gallego. Sendo nena, a familia instalouse en Pontevedra. Alí realizou os seus estudos primarios e despois estudou Maxisterio. Coñeceu a Alexandre Bóveda nos ensaios da Sociedad Coral Polifónica de Pontevedra, na que ambos cantaban. Casaron o 20 de outubro de 1930. Rematou a carreira e púxose a dar clases, mentres preparaba as oposicións. Optou por facer as de Facenda en Madrid. Obtivo praza en Cádiz e deixou os fillos con familiares. Foi trasladada a Pontevedra. Tivo complicacións para conseguir un certificado de adhesión ao réxime que lle permitiu ocupar a súa praza de funcionaria. As súas fillas foron sinaladas. Participou nas homenaxes que lle fixeron ao seu home coa chegada da democracia.

Véxase tamén

Bibliografía

• Marco, Aurora (2007). Dicionario de Mulleres Galegas. Edicións A Nosa Terra. p. 25. ISBN 978-84-8341-146-9. 

Ligazóns externas

• Bará, Luís (6/3/2016). "Amalia Álvarez, que se namorou cantando" Non des a esquecemento.
• "Amalia Álvarez Gallego". no Álbum de Galicia do Consello da Cultura Galega. 
• Fajardo Pérez, Montse (2017). "Amalia Álvarez Gallego" no Álbum de Mulleres do Consello da Cultura Galega.