Alquézar
Alquézar é un concello de Aragón que está situado na comarca de Somontano de Barbastro, pertencente á provincia de Huesca.
| Alquézar | ||
|---|---|---|
| ||
 | ||
| Localización | ||
| País |  España | |
| Comunidade Autónoma |  Aragón | |
| Provincia | .svg){kind=small} Huesca | |
| Comarca | Somontano de Barbastro | |
| Xeografía | ||
| Altitude | 660 msnm | |
| Superficie | 32,36 km² | |
| Demografía | ||
| Poboación | 304 hab (2017)[1] | |
| Densidade | 9,05 hab/km2 | |
| Xentilicio | alquezano(a) | |
| Outros datos | ||
| Código postal | 22024 | |
| Alcalde | Mariano Altemir Lascorz (PSOE-Aragón) | |
| www.alquezar.org | ||
Vila medievalEditar
A vila de Alquézar está declarada Conxunto Histórico Artístico. O seu trazado é de orixe medieval; aínda que a maior parte da vila foi renovada a partir do século XVI, momento no que se xestou o modelo da casa tradicional de Somontano. Estas casas están construídas cos materiais propios do terreo: pedra, ladrillo e tapias.
A vila posúa unha praza maior chamada Mosén Rafael Ayerbe. Trátase dunha praza con pórticos, con arcos de medio punto e outros alintelados. Antigamente aquí vendían os seus produtos os artesáns e comerciantes da zona.
O Castelo e Colexiata Santa María A MaiorEditar
No punto de maior altitude da vila atópase o Castelo de Alquézar. A construción desta fortaleza musulmá comezou a principios do século IX por orde de Jalaf-ibn-Rasid. Este castelo deu nome a vila a través da palabra de orixe árabe "Al Qasr". Trala conquista cristiá (1067) favoreceuse a repoboación e a vila estendeuse fóra do recinto amurallado.
A Colexiata de Santa María a Maior consta de diversos elementos de grande importancia artística. O Atrio está decorado con motivos do Xénese (século XII) e está integrado dentro do claustro (século XIV). Este foi decorado con pinturas murais (ssXIV-XVIII), namentres a porta que da acceso á Capela de Santa Ana reflicte o crisol de culturas do século XVI. A capela está decorada con elementos góticos, mudéxares e renacentistas. Por último salientar o retablo maior de orixe renacentista (século XVI) e na cápela dos Lecina (Barroco, século XVII) atópase un Cristo de tamaño case natural.
Museo Etnolóxico Casa FabiánEditar
O Museo inaugurouse en xullo de 1994. Fabián e Carlos Castillo Seas reuniron tódalas pezas que compoñen o museo, co gallo de mostrar ás xeracións actuais como era a vida dos nosos devanceiros. O museo está dentro dunha casa do século XVII (patio, cociña, alcobas, bodegas, cortellos) é fai un percorrido polas formas de vida dos habitantes da comarca de Somontano ata mediados do século XX. A peza máis salientable é un muíño medieval de aceite escavado na rocha.
Actividades económicasEditar
A vila localízase nunha paisaxe caracterizada polos barrancos, canóns, covas, acantilados e formas morfolóxicas de relevo abrupto. Grazas a isto o sector turístico desenvolveuse e acadou peso económico. Os deportes de aventuras coma o barranquismo, a escalada ou o piragüismo e as actividades de natureza coma o sendeirismo ou a observación ornitolóxica son algúns dos atractivos de ocio que ofrece a vila.
Os atractivos culturais céntranse na arte rupestre que se pode observar nos seus diferentes estilos (paleolítico, levantino e esquemático) ó longo do coñecido Parque Cultural do Río Vero. Polos seus valores a UNESCO declarou os sitios arqueolóxicos Patrimonio Mundial e tamén foi declarado Itinerario Cultural Europeo polo Consello de Europa.
NotasEditar
- ↑ "Ficha territorial de Alquézar" (PDF). Gobierno de Aragón.Estadística Local (en castelán). Arquivado dende o orixinal (PDF) o 12 de setembro de 2018. Consultado o 12 de setembro de 2018.