Alfredo Haz Garrido
José Alfredo Haz Garrido, nado en Malpica de Bergantiños o 30 de setembro de 1962, é un exfutbolista e mestre galego. Xogaba de centrocampista.
| Alfredo Haz | |||
|---|---|---|---|
| Información persoal | |||
| Nome | José Alfredo Haz Garrido | ||
| Nacemento | 30 de setembro de 1962 | ||
| Lugar de nacemento | Malpica de Bergantiños | ||
| Posición | Centrocampista | ||
| Carreira xuvenil | |||
| 1973–1974 | Ural | ||
| 1974–1979 | Deportivo da Coruña | ||
| Carreira sénior | |||
| Anos | Equipos | Aprs | (Gls) |
| 1979–1985 | Fabril | ||
| 1980–1988 | Deportivo da Coruña | 16 | (0) |
| 1988–1993 | Endesa As Pontes | 117 | (2) |
|
Partidos e goles só en liga doméstica. [ editar datos en Wikidata ] | |||
Traxectoria
Como xogador
Naceu en Malpica de Bergantiños e aos 7 anos de idade foi para A Coruña, ingresando como internado no Colexio de Santa Margarida, onde comezou a xogar ao fútbol no patio.[1] Aos 11 anos entrou no equipo alevín do Ural e ao seguinte nos infantís do Deportivo da Coruña. Estivo cinco tempadas nas categorías inferiores do club branquiazul, sendo cedido nunha delas ao Malpica e outra ao Club Torre.[1] En 1979 pasou ao Fabril.
Na tempada 1980/81 debutou co Deportivo da Coruña en Segunda B. Con todo, o adestrador José Martínez Palomar só o utilizaba pola obriga de aliñar polo menos a dous xogadores sub-20, co que xogou só un partido completo durante a tempada, volvendo logo ao Fabril.
Máis tarde foi xogador do primeiro equipo branquiazul entre as tempadas 1985/86 e 1987/88, pero relegado á suplencia, xogando só 21 encontros oficiais en tres anos. Despois xogou cinco tempadas no Endesa As Pontes en segunda B.
Selección española
Xogou na selección española xuvenil, onde era titular.[1][2]
Tras a retirada
Despois de deixar o fútbol pasou a dar clases de Educación Física no IES Eusebio da Guarda.
Notas
- ↑ 1,0 1,1 1,2 Castelo, Manuel (24 de febreiro de 1980). "Alfredo: Titular indiscutible de laselección nacional juvenil". La Voz de Galicia (en castelán). p. 66.
- ↑ "Una oportunidad perdida". La Opinión A Coruña (en castelán). 18 de setembro de 2020. Consultado o 12 de febreiro de 2021.