Alfredo García Alén
Alfredo García Alén, nado en Pontevedra o 10 de abril de 1923 e finado na mesma cidade o 16 de xaneiro de 1981[1], foi un historiador e mestre galego.
| Alfredo García Alén | |
|---|---|
| Nacemento | 10 de abril de 1923 |
| Lugar de nacemento | Pontevedra |
| Falecemento | 16 de xaneiro de 1981 |
| Lugar de falecemento | Pontevedra |
| Nacionalidade | España |
| Ocupación | historiador e mestre |
| Pai | Alfredo García Hermida |
| Nai | María Alén Solla |
| Cónxuxe | Adela Acosta |
| Fillos | Alfredo, Jose Luis e Carlos Alberto García Acosta |
| Irmáns | Luciano García Alén |
| [ editar datos en Wikidata ] | |
Traxectoria Editar
Formación Editar
Fillo dos mestres pontevedreses María Alén Solla e Alfredo García Hermida, foi irmán de María Rita, Inés, Luciano, Celia, Vicente, Margarita, Francisco, Carlos e Roberto García Alén. Comezou con 15 anos colaborando no Museo Provincial de Pontevedra, obtendo por oposición ós 25 anos a praza de auxiliar de secretaría, sendo seis anos despois secretario. Obtivo os títulos de Bacharelato e Mestre, e as licenciaturas de Dereito e Filosofía e Letras. Doutorouse cunha tese sobre Cerámica popular gallega.
Actividades Editar
Foi membro correspondente da Real Academia Galega, do Instituto Padre Sarmiento e do Museo do Pobo Galego, e mestre no Instituto de Pontevedra (o que agora é o IES Sánchez Cantón). Foi director adxunto do Museo de Pontevedra e secretario técnico de Arquivos, Bibliotecas e Museos da Consellería de Cultura da Xunta de Galicia.
Estudou a prehistoria, o folclore e a antropoloxía galegas, pronunciando moitas conferencias e escribindo moitos artigos sobre diversos temas (numismática, etnografía ou a Virxe da Peregrina).
Vida persoal Editar
Casou con Adela Acosta e foi pai de Alfredo, Jose Luis e Carlos Alberto García Acosta.
Obra Editar
- Grabados rupestres de la provincia de Pontevedra (con Antonio de la Peña Santos); A Coruña: Fundación Pedro Barrié de la Maza, 1980. ISBN 84-85728-04-1
- La alfarería de Galicia (con Luciano García Alén e Xosé M. Gómez Vilasó); A Coruña: Fundación Pedro Barrié de la Maza, 1983. ISBN 84-85728-30-0
Notas Editar
- ↑ La Voz de Galicia, 17-1-1981, p. 40.
Véxase tamén Editar
Bibliografía Editar
- Filgueira Valverde, Xosé. Artigo "GARCÍA ALÉN, Alfredo" na Gran Enciclopedia Galega.