Alfonso Zulueta de Haz

Alfonso Zulueta de Haz, nado en Vigo o 8 de maio de 1924 e finado en Vigo o 27 de xuño de 2017, foi un notario e intelectual galego. Foi presidente do Consello da Cultura Galega entre 2002 e 2006 e presidente da Fundación Penzol.

Alfonso Zulueta de Haz
Nacemento	9 de maio de 1924
Lugar de nacemento	Vigo
Falecemento	27 de xuño de 2017
Lugar de falecemento	Vigo
Soterrado	Cemiterio de Pereiró
Nacionalidade	España
Alma máter	Universidade de Santiago de Compostela
Ocupación	notario
Premios	Medalla Castelao
Na rede
[ editar datos en Wikidata ]

Traxectoria

Fixo a carreira de Dereito na Universidade de Santiago de Compostela. Exerceu como notario en Gaucín (Málaga), Marín e Vigo, onde residiu.

Foi un dos fundadores e primeiro presidente do Ateneo de Pontevedra (1966-1969), tamén foi presidente da Editorial SEPT, especializada en obras relixiosas. Zulueta de Haz foi un dos fundadores do Partido Galego Social Demócrata en 1974 e exerceu como o seu vicepresidente ata 1978 ao se unir o seu partido co Partido Popular Galego para dar nacemento ao Partido Galeguista. Zulueta de Haz foi membro do pleno do Consello da Cultura Galega desde 1996 e á morte de Carlos Casares foi elixido o seu presidente o 17 de abril de 2002.

Vida persoal

Estivo casado con María Teresa Fernández Cabaleiro.

Véxase tamén

Bibliografía

• "Zulueta de Haz, Alfonso". Dicionario biográfico de Galicia 3. Ir Indo Edicións. 2010-2011. p. 321. 
• "Zulueta de Haz, Alfonso". Gran Enciclopedia Galega (DVD). El Progreso. 2005. ISBN 84-87804-88-8. 
• Barrera, Feliciano, ed. (2002). "Zulueta de Haz, Alfonso". Gallegos. Quién es quien en la Galicia del siglo XXI (en castelán). Santiago de Compostela: El Correo Gallego. p. 605. ISBN 84-8064-113-4. 

Outros artigos

• Carlos Zulueta de Haz