Alfonso Pazos Cid

avogado e político galego

Alfonso Pazos Cid, nado en Ourense e finado en México en 1978,[1] foi un avogado e político galego.

Alfonso Pazos Cid
Alfonso Pazos Cid 1931.jpg
 Ourense
Falecemento1978
 México
NacionalidadeEspaña
Ocupaciónavogado e político
FillosAlfonso Pazos Bande
editar datos en Wikidata ]

TraxectoriaEditar

Foi presidente da Juventud Republicana de Ourense (1928).[2] Constituíu en 1930 a asociación de escritores Akademos d'Ourens con Cándido Fernández Mazas. Militante do Partido Republicano Radical Socialista, foi novamente elixido presidente da Juventud Republicana de Ourense en febreiro de 1931.[3] Foi elixido deputado pola provincia de Ourense integrado na coalición coa FRG nas eleccións a Cortes Constituíntes de 1931. Non renovou o mandato nas eleccións de 1933, pero volveu ser elixido pola mesma circunscrición nas listas de Unión Republicana nas eleccións xerais de 1936. Co golpe de Estado do 18 de xullo de 1936 fuxiu e agochouse ate pasar a Portugal e Francia con Francisco Dopazo Rodríguez. Logo chegou a Madrid e ao fin da guerra a Valencia. Foi secretario de organización da Solidaridade Galega Antifeixista. Co fin da guerra pasou a Francia e logo exiliouse en México. En 1949 participou no Congreso Mundial de Partidarios da Paz celebrado en París, xunto a Bibiano Fernández Osorio-Tafall, Mariano Ruiz-Funes García e José Giral.[4]

Vida persoalEditar

Casou con María del Pilar Bande Rodríguez e foi pai de Alfonso Pazos Bande, e avó de Sergio Pazos.

NotasEditar

  1. La Región, 13-3-2003, p. 69.
  2. El Pueblo Gallego, 16-10-1928, p. 14
  3. Vida Gallega, 28-2-1931, p. 54.
  4. Jordi Guixé i Corominas L'Europa de Franco: l'esquerra antifranquista i la "caça de bruixes" a l'inici de la guerra freda : França 1943-1951 Publicacions de l'Abadia de Montserrat, 2002, ISBN 84-8415-395-9, 788484153955 pàg. 122

Véxase taménEditar

Ligazóns externasEditar