O alfabeto n'ko (ߒߞߏ) é un sistema de escrita desenvolvido por Solomana Kante en 1949 para escribir as linguas mandinga de África Occidental.[1][2] O termo n'ko, o cal quere dicir eu digo en tódalas linguas mandinga, é utlizado tamén para a lingua literaria mandinga estándar, que se escribe en escrita n'ko.
A escrita ten algunhas semellanzas co alfabeto árabe, principalmente a súa dirección (de dereita a esquerda) e as letras que están conectadas entre elas pola base. Ao contrario do árabe, marca obrigatoriamente o ton e as vogais. Os tons do n'ko están marcados como diacríticos, de maneira semellante a como se marcan algunhas vogais no árabe.
- ↑ Eberhard, David; Simons, Gary; Fennig, Charles, eds. (2019). "N'ko". Ethnoloque. Consultado o 12 de xuño de 2019.
- ↑ Oyler, Dianne (primavera de 2002). "Re-Inventing Oral Tradition: The Modern Epic of Souleymane Kanté". Research in African Literatures 33 (1): 75–93. JSTOR 3820930. OCLC 57936283. doi:10.1353/ral.2002.0034.
Véxase tamén
editar
