Alexandre Millerand

Alexandre Millerand, avogado e político n.1859 e m.1943, foi o presidente de Francia entre 1920 e 1924. Antes disto, foi primeiro ministro de seu país, entre o 20 de xaneiro e 20 de setembro de 1920.

Alexandre Millerand
Primeiro ministro de Francia
Período	20 de xaneiro - 23 de setembro de 1920
Antecesor	Georges Clemenceau
Sucesor	Georges Leygues
Presidente de Francia
Período	24 de setembro de 1920 - 11 de xuño de 1924
Antecesor	Paul Deschanel
Sucesor	Gaston Doumergue
Datos persoais
Nacemento	10 de febreiro de 1859
	París
Falecemento	6 de abril de 1943
	Versalles
Organización	Partido Socialista Francés - PSF
Cónxuxe	Jeanne Millerand
Fillos	Jacques Millerand
Alma máter	Facultade de Dereito de París e Lycée Louis-le-Grand
Profesión	avogado e político
Na rede
[ editar datos en Wikidata ]

Empezou a súa carreira política na contorna do Partido Radical de Georges Clemenceau, pero despois achegouse ao socialismo, chegando a ser ministro de Comercio e Industria no gabinete do radical Pierre Waldeck-Rousseau entre 1899 e 1902, feito que suscitou as críticas de contemporáneos franceses como Jules Guesde e mesmo da Segunda Internacional (por exemplo de Rosa Luxemburg), por considerar inxustificada esta colaboración con gobernos burgueses. Con todo, foi apoiado por Jean Jaurès. A súa tendencia dereitista levoulle a ser expulsado da Sección Francesa da Internacional Obreira en 1904 e posteriormente formou parte de varios gobernos como independente (Obras Públicas, 1909-1910, e Guerra, 1912-1913 e 1914-1915). A experiencia da Primeira Guerra Mundial, que viviu como ministro, serviu - da mesma forma que para outros socialistas da época - para completar a súa viraxe cara á dereita pola vía do patriotismo.

En 1919 encabezou unha coalición conservadora, o Bloque Nacional, coa que chegou a ser presidente da República en 1920, tras uns meses como primeiro ministro e encargado de Asuntos Exteriores. El e o seu primeiro ministro Raymond Poincaré promoveron a ocupación do Ruhr para obrigar a Alemaña a pagar as reparacións de guerra. Tamén impulsaron unha política de rigor orzamentario que os fixo impopulares. En 1924, tras a vitoria electoral da esquerda, dimitiu e abandonou a primeira liña da política francesa, ocupando un escano no senado.

Segue a: Georges Clemenceau	Alexandre Millerand (xaneiro-setembro de 1920)	Precede a: Georges Leygues
	Partido Socialista Francés - PSF

Presidente de Francia
Segue a: Paul Deschanel	Alexandre Millerand (1920-1924)	Precede a: Gaston Doumergue
	Partido Socialista Francés - PSF