Ale de Paz

Ale de Paz
Ale de Paz
Información persoal
Nome	Alejandra de Paz González
Nacemento	25 de maio de 1995
Lugar de nacemento	Neda
Posición	Á
Información de club
Club actual	Marín Futsal
Carreira sénior
Selección nacional
Na rede
	Partidos e goles só en liga doméstica.; Club: actualizado a 2 de abril de 2023; Selección: actualizado a 2 de abril de 2023.[ editar datos en Wikidata ]
	v; c; e;

Alejandra de Paz González, coñecida deportivamente como Ale de Paz, nada en Neda o 25 de maio de 1995, é unha xogadora galega de fútbol sala. Xoga de á no Marín Futsal da Primeira División de España e é internacional coa selección española, coa que se proclamou dúas veces campioa de Europa.

Traxectoria editar

Despois de xogar no Comarcal A Fervenza, pasou ao Valdetires Ferrol, equipo co que debutou na Primeira División na tempada 2013/14. Dous anos máis tarde fichou polo Poio Pescamar, no que militou durante catro tempadas, todas elas na máxima categoría.

Na 2019/20 fichou polo Burela, co que gañou na súa primeira tempada a liga, a Copa da Raíña, a Supercopa de España e a Copa das 4 Nacións.^[1] Na súa segunda campaña revalidou os tres títulos nacionais, sendo a máxima goleadora do equipo na liga, con 18 tantos, e marcando tres dos cinco goles do seu equipo na final contra o Futsi Navalcarnero (2-5).^[2] Finalmente na tempada 2021/22 gañou unha terceira Copa da Raíña e tamén a terceira Supercopa.

En xullo de 2022 deixou a Mariña para fichar polo Marín Futsal, equipo tamén da máxima categoría.^[3]

Selección nacional editar

En novembro de 2019 foi convocada por primeira vez pola selección española, para xogar dous partidos amigables contra Eslovenia.^[4]^[5] En 2022 disputou a súa primeira Eurocopa, na que foi a segunda edición do torneo continental. Tivo destacadas actuacións na competición e foi autora de seis goles, dous deles na final disputada na vila portuguesa de Gondomar diante da selección anfitrioa, partido que se decidiu a favor do equipo español na quenda de penaltis.

Un ano despois gañou a súa segunda Eurocopa consecutiva, volvendo marcar na final, desta vez ante Ucraína en Debrecen.^[6]

Palmarés editar

Burela

Primeira división de España (2): 2019/20, 2020/21.
Copa da Raíña (3): 2019/20, 2020/21, 2021/22.
Supercopa de España (3): 2019/20, 2020/21, 2021/22.
Copa das 4 Nacións (1): 2020.

Selección española

Eurocopa (2): 2022, 2023.

Estatísticas editar

Club	Div.	Temporada	Liga				Copas nacionais				Torneos internacionais				Total
Club	Div.	Temporada	Part.	Goles			Part.	Goles			Part.	Goles			Part.	Goles
A Fervenza
	2.ª
	2.ª			-	-	-	-	-	-	-	-	-	-	-		-	-	-
	Total club		-	-	-	-	-	-	-	-	-	-	-	-	-	-	-	-
Valdetires Ferrol
	1.ª
	1.ª	2013-14	28	13	2	0	-	-	-	-	-	-	-	-	28	13	2	0
	2.ª
	2.ª	2014-15		-	-	-	-	-	-	-	-	-	-	-		-	-	-
	Total club		28	13	2	0	-	-	-	-	-	-	-	-	28	13	2	0
Poio Pescamar FS
	1.ª
		2015-16	29	4	4	0	-	-	-	-	-	-	-	-	29	4	4	0
		2016-17	30	17	2	0	1	0	0	0	-	-	-	-	31	17	2	0
		2017-18	26	12	0	0	1	0	0	0	-	-	-	-	27	12	0	0
		2018-19	29	10	2	0	1	0	0	0	-	-	-	-	30	10	2	0
	Total club		114	43	8	0	3	0	0	0	-	-	-	-	117	43	8	0
CD Burela FS
	1.ª
		2019-20	22	12	4	0	3	2	0	0	2	2	-	-	27	16	4	0
		2020-21	25	17	4	0	7	3	0	0	-	-	-	-	32	20	4	0
	Total club		47	29	8	0	10	5	0	0	2	2	-	-	59	36	8	0
Total carreira			189	85	18	0	13	5	0	0	2	2	-	-	204	92	18	0