Alberte Frederico de Prusia

Alberte Federico (en alemán: Albrecht Friedrich) nado en Königsberg o 7 de maio de 1553 e finado en Fischhausen, Rybaki o 28 de agosto de 1618, foi duque de Prusia dende 1568 até a súa morte. Foi un fillo de Alberte de Prusia e Ana María de Brunswick-Luneburgo. Foi o segundo e derradeiro duque prusiano da póla Ansbach da familia Hohenzollern.

Alberte Frederico de Prusia

Nome orixinal	(de) Albrecht Friedrich von Preußen
Biografía
Nacemento	7 de maio de 1553 (Gregoriano) Königsberg, Prusia
Morte	27 de agosto de 1618 (65 anos) Primorsk, Rusia (en)
Duke of Prussia (en) Ducado de Prusia
20 de marzo de 1568 – 27 de agosto de 1618
Actividade
Ocupación	aristócrata
Lingua	Lingua alemá
Outro
Título	Duque (1568–1618)
Familia	Dinastía Hohenzollern
Cónxuxe	Maria Leonor de Cleves (pt) (1573, 1573 (Gregoriano)–1608)
Fillos	Ana da Prússia (pt) , Eleanor of Prussia (en) , Albrecht Friedrich von Hohenzollern (en) , Maria da Prússia (pt) , Sofia da Prússia (pt) , Madalena Sibila de Saxonia, Wilhelm Friedrich von Hohenzollern (en)
Pais	Albert, Duque da Prússia (pt)   e Anna Marie of Brunswick-Lüneburg (en)
Irmáns	Anna Sophie of Prussia (en) , Elisabeth von Hohenzollern (en) , Katharina von Hohenzollern (en) , Friedrich Albrecht von Hohenzollern (en) , Lucia Dorothea von Hohenzollern (en) , Lucia von Hohenzollern (en) e Albrecht von Hohenzollern (en)
Parentes	Joaquim I Nestor (pt) (bisavó)

Duque de Prusia

Converteuse en duque de Prusia despois de prestar homenaxe feudal ó rei de Polonia, Sexismundo II Augusto de Polonia (a Prusia ducal era un feudo de Polonia), o 19 de xullo de 1569 en Lublin. A homenaxe foi descrita polo cronista polaco Jan Kochanowski na súa obra Proporzec ("Estandarte"). Durante a elección polaca de 1573, Alberte Federico tentou obter a aceptación do senado polaco pero opúxoselle o poderoso Jan Zamoyski (máis tarde Grande Hetman da Coroa do Reino de Polonia) quen temía a influencia de protestantes no corpo lexislativo polaco. Alberte Federico inicialmente rexeitou a elección de Estevo I Báthory e apoiou a candidatura de Maximiliano de Habsburgo. Porén, no sejm de Toruń de outubro de 1576 deu o seu apoio ó novo monarca.

Como o bisneto do rei polaco Casimiro IV de Polonia, e como un duque en Prusia que falaba con fluidez polaco, Alberte Federico foi seriamente considerado durante un tempo como un posible candidato para o trono polaco. Gozou particularmente o apoio dos luteranos polacos.

En 1572, comezou a amosar sinais de desorde mental. A comezos de 1578, a rexencia foi asumida polo seu curmán, Xurxo Federico de Brandeburgo-Kulmbach (1539–1603). Despois da morte de Xurxo Federico en 1603, o rei polaco Sexismundo III Vasa nomeou Xoaquín Federico como rexente en 1605, e permitiu ó seu fillo, Xoán Sexismundo, sucederlle en 1611. O último converteuse en duque de Prusia despois da morte de Alberte Federico en 1618.