Agustín Jarabo Domínguez

futbolista galego

Agustín Jarabo Domínguez, nado o 11 de outubro de 1911 en Ourense e finado o 20 de xaneiro de 1961 en Lugo, foi un futbolista galego que xogaba na demarcación de dianteiro.

Agustín Jarabo Domínguez
Información persoal
Nacido 11 de outubro de 1911
Lugar Ourense
Falecido 20 de xaneiro de 1961
Posición dianteiro
editar datos en Wikidata ]

TraxectoriaEditar

Fichou polo Celta de Vigo na tempada 1935/36 na Segunda División, ano no que o equipo acadou o primeiro ascenso a Primeira División da súa historia. Porén, tivo que agardar para debutar na máxima categoría, ante o golpe de estado militar contra a Segunda República Española e o comezo da Guerra Civil.

Tralo fin da contenda as competicións oficiais reanudáronse en 1939. Agustín debutou en Primeira na segunda xornada, o 10 de decembro de 1939 en Balaídos. Dende o principio deu fe da súa facilidade anotadora, se ben foi o segundo máximo anotador do equipo na tempada do ascenso foi o primeiro o ano do debut en primeira, con 14 tantos.

Na tempada 1941/42 formou dianteira con Del Pino e Roig, entre os tres anotaron 40 goles nunha tempada na que o equipo rematou en quinta posición. Deixou o equipo tras o descenso da tempada 1943/44 ao non chegar a un acordo coa directiva para renovar.

Entre os encontros que disputou co Celta destacan tres encontros ante o Deportivo da Coruña. O primeiro en maio de 1940 na fase de promoción na que o Celta se salvou do descenso en detrimento do Depor, o segundo en abril de 1941, na Copa do Rei, que rematou cunha vitoria céltica por 8-0. O último o primeiro derbi en Primeira División, que tamén rematou con vitoria do Celta.