Agapito II, papa

Agapito II, nado en Roma e finado en outubro de 955, foi o Papa n.º 129 da Igrexa católica de 946 a 955.

Agapito II, papa
Nacemento	valor descoñecido, século IXxuliano e século Xxuliano
Lugar de nacemento	Roma
Falecemento	decembro de 955
Lugar de falecemento	Roma
Soterrado	Basílica de San Xoán de Latrán
Relixión	Igrexa católica
Ocupación	sacerdote católico e escritor
[ editar datos en Wikidata ]

Para outras páxinas con títulos homónimos véxase: Agapito.

Traxectoria

Foi elixido papa, ao igual có seu predecesor, por disposición do príncipe e senador romano Alberico II, que ao igual cá súa nai Marozia, someteu durante décadas aos pontífices á súa vontade.

Durante o seu pontificado, en 947 faleceu Hugo de Arlés cando xa abdicara como rei de Italia a favor do seu fillo Lotario. Este morreu no 950 envelenado por Berengario II de Ivrea, quen se fixo coroar rei de Italia xunto ao seu fillo Adalberto, e para afianzar a súa posición, quixo casar a este coa viúva de Lotario, Adelaida de Borgoña

Adelaida pediu auxilio ao rei xermano Otón I, que no 951 entrou en Italia, e en Pavía se fixo proclamar rei dos francos e os lombardos e casou con Adelaida. Ante isto, Berengario cedeu e aceptou rendirlle vasalaxe, polo que foi recoñecido como rei de Italia.

Con esta intervención, Otón I perseguía ser coroado emperador polo papa Agapito II, pero Alberico opúxose e obrigou ao Papa a enviar unha embaixada ao rei alemán na que lle comunicaba a súa negativa á coroación imperial.

Esta non foi a última proba de forza por parte de Alberico II, pois antes de morrer no 954, fixo xurar ao pobo romano e ao papa Agapito que ao falecer este sería elixido como pontífice o seu propio fillo Octaviano.

Véxase tamén

---

Este artigo sobre Papas é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.

---