Afonso IV de León

Afonso IV de León e Galiza (falecido en 933), cognominado o Monxe, foi rei de toda Galiza altomedieval de 925 a 931.

Afonso IV de León

Biografía
Nacemento	899 (Gregoriano) Reino de León
Morte	agosto de 933 (Gregoriano) (33/34 anos) mosteiro de San Xulián e Santa Basilisa de Ruiforco
Causa da morte	Morte natural
Lugar de sepultura	Basílica de Santo Isidoro de León
Monarca do Reino de León
926 – 931 ← Afonso Froilaz – Ramiro II →
Datos persoais
País de nacionalidade	Reino de León
Relixión	Catolicismo
Actividade
Ocupación	rei
Lingua	Lingua castelá
Outro
Título	Rei de León
Familia	Dinastía ástur-leonesa
Cónxuxe	Oneca Sánchez de Pamplona
Fillos	Ordoño IV
Pais	Ordoño II   e Elvira Menendiz
Irmáns	Ramiro II e Sancho I

Para outras páxinas con títulos homónimos véxase: Afonso IV.

Traxectoria

Fillo máis vello de Ordoño II de Galiza, non ascendeu ao trono por morte do pai en 924, tendo a Ordoño sucedido o tío Froila II; coa morte deste no ano seguinte, sendo Afonso o descendente máis vello de entre os fillos de Ordoño e Froila, tornouse rei na cidade de León. Trala morte do seu irmán Sancho Ordóñez, Afonso IV pasou a actuar como rei de toda Galiza, desde a sede de León. Nesas condicións sería difícil asegurar a gobernación, tendo resignado en favor do seu irmán Ramiro II, e entrado de seguida nun mosteiro. Inconstante, porén, no seu carácter, tomou armas co fillo de Froila (Afonso Froilaz) contra Ramiro, tendo suspendido a súa renuncia ao trono, por un lado, e a vida monástica por outro. Ramiro derrotouno, mandouno cegar e colocouno baixo prisón no mosteiro de Sahagún, onde viría a falecer en 933. Ordoño IV, futuro rei de Galiza era seu fillo.

"Cando morreu Froila fillo de Ordoño, rei de Galiza, a quen deus maldiga (...) os cristiáns fixeron rei no seu lugar ao seu irmán Afonso fillo de Ordoño, a quen lle disputou o trono o seu irmán Sancho fillo de Ordoño, maior que el, o cal entrou en León, capital do reino dos galegos, como opoñente do seu irmán Afonso, sendo apoiado por algúns galegos, mentres que outros se mantiveron fieis a este (...) até que acordaron depor a Sancho e expulsalo de León, uníndose baixo o rei Afonso fillo de Ordoño. Sancho fuxiu entón ao extremo de Galiza, cuxa poboación o recoñeceu e entronizou, sendo súa unanimemente, mentres o seu irmán Ramiro fillo de Ordoño (...) detentaba a zona adxacente desde o oeste de Galiza até o límite de Coímbra. Ao pouco morreu Sancho na rexión onde se tiña refuxiado, sen deixar fillos, co que esta pasou ao rei unanimemente aceptado, Afonso, que xa non tivo competidor no poder e reinou sete anos. Posteriormente, mudou de parecer e, chamando ao seu irmán Ramiro, entregoulle o reino, abdicou e fíxose monxe, ingresando nun dos seus venerados mosteiros, onde morou algún tempo, alleo ao poder". —Ibn Haián - Muqtabis V

Véxase tamén

Os reis e as raíñas da Galiza.

Froila II, Afonso Froilaz, Sancho I e Afonso IV. Uns reis en tempos de inestabilidade. (Nós Diario, 26.09.2022)

Bibliografía

• López Carreira, Anselmo (2003). Os reis de Galicia. Vigo: Edicións A Nosa Terra. ISBN 84-96203-44-1. 

Outros artigos

• Lista de reis de Galicia
• Lista de reis de León

Reino de Galiza
Segue a: Sancho I	Afonso IV de León (929-931)	Precede a: Ramiro II
	Dinastía dos Ordoñez (910-1037)