Adrián Barbón

político español

Adrián Barbón Rodríguez, nado en Llaviana4 de xaneiro de 1979, é un avogado e político asturiano, presidente do Principado de Asturias dende o 20 de xullo de 2019, e dende o 17 de setembro de 2017, secretario xeral da Federación Socialista Asturiana (FSA-PSOE). Anteriormente foi alcalde de Llaviana e presidente da Asociación de Comarcas Mineiras de España (ACOM).

Adrián Barbón
Nome completoAdrián Barbón Rodríguez
Nacemento4 de xaneiro de 1979
Lugar de nacementoLlaviana
NacionalidadeEspaña
Alma máterUniversidade de Oviedo
Ocupaciónpolítico e avogado
Na rede
Facebook: AdrianBarbonPSOE Twitter: adrianbarbon Editar o valor em Wikidata
editar datos en Wikidata ]

Traxectoria editar

Naceu na localidade de La Pola Llaviana, no corazón das Concas Mineiras asturianas. Realizou os estudos de primaria en Sotrondio e de secundaria en Llaviana. Cursou dereito na Universidade de Oviedo, licenciándose en 2002.

Política editar

A súa actividade política principiou con dezasete anos nas Xuventudes Socialistas de España, foi secretario xeral desa organización en Llaviana e no Val do Nalón. Posteriormente afiliouse tamén ao PSOE.

Concelleiro da súa localidade natal dende 2003, foi asemade tenente de alcalde. Posteriormente, o 30 de setembro de 2008, asumiu a alcaldía logo da renuncia de Marciano Barreñada por motivos persoais,[1] converténdose no seu momento no alcalde máis novo de Asturias.[2] Revalidou o posto nas eleccións de 2011 e mais nas de 2015. Dimitiu o 9 de outubro de 2017.

Formou parte da Comisión Executiva Autonómica da Federación Socialista Asturiana dirixida por Javier Fernández entre 2008 e 2012. Ademais foi membro do Comité Federal do PSOE e xecretario xeral da Agrupación Socialista de Llaviana dende 2012 ata novembro de 2017.

Durante a crise do PSOE de 2016 foi, xunto coa exalcaldesa de Llangreu, María Fernández, e Delia Losa, un dos membros asturianos do Comité Federal que defendeu o Non como posición do Grupo Parlamentario Socialista na sesión de investidura do popular Mariano Rajoy.[3]

Deputado no Congreso editar

En setembro de 2015 e en substitución de María Luisa Carcedo, tomou posesión como deputado no Congreso, ocupando un escano nos últimos meses da X Lexislatura, cargo que compaxinou coa alcaldía durante ese breve período de tempo.

Figurou na candidatura socialista por Asturias ao Congreso dos Deputados, nas eleccións xerais de 2015, ocupando o número 4 na lista. De cara ás eleccións xerais do 26 de xuño de 2016, novamente entrou na candidatura do PSOE por Asturias ao Congreso mais non obstante en ningunha das dúas eleccións logrou a acta.

XXXIX Congreso do PSOE editar

Apoiou e participou publicamente na campaña da candidatura de Pedro Sánchez á secretaría xeral do PSOE no seu XXXIX Congreso, defendendo un cambio no modelo de partido, no que a militancia tomase a palabra e que permanecese atento ao sentir da cidadanía e do electorado. Barbón rescatou durante a campaña interna lemas históricos como «Socialismo é liberdade». Finalmente, este período de crise interna no PSOE finalizou coa vitoria de Sánchez cun 50,21 % dos votos fronte a Susana Díaz e Patxi López o 21 de maio de 2017.[4]

Secretario xeral da FSA editar

Despois de celebrarse o XXXIX Congreso do PSOE os días 16, 17 e 18 de xuño de 2017, no que Pedro Sánchez saíu elixido secretario seral dos socialistas españois, abriuse o proceso congresual na Federación Socialista Asturiana e Adrián Barbón presentou a súa candidatura a secretario xeral o 6 de xullo de 2017 na Casa do Pobo de Xixón.[5] Contou co aval de 3215 militantes, 1200 máis que o outro precandidato.[6]

Finalmente gañou as primarias celebradas o 17 de setembro de 2017, con 3315 votos, o que significou o 60,6 % dos votos dos militantes.

Presidente do Principado de Asturias editar

O 30 de maio de 2018 foi elixido, mediante o proceso de primarias na Federación Socialista Asturiana, candidato a presidente do Principado de Asturias.

Nas eleccións á Xunta Xeral do Principado de Asturias de 2019, celebradas o domingo 26 de maio, o PSOE encabezado por Adrián Barbón, obtivo o 35,25 % dos votos e un total de 20 deputados, duplicando así ao Partido Popular de Asturias, que quedou en 10 escanos. Respecto ás eleccións autonómicas de 2015, con Javier Fernández como candidato, o PSOE incrementou os seus apoios en máis de 43 000 votos, chegando a obter seis deputados máis.

Barbón foi investido presidente do Principado de Asturias polo pleno da Xunta Xeral en minoría o 15 de xullo de 2019, cos 20 votos a favor de FSA-PSOE e os dous votos de IU-IAS, quedando a un só escano da maioría absoluta.[7]

Notas editar

Predecesor:
Marciano Barreñada Bazán
 
Alcalde de Llaviana

2008-2017
Sucesor:
Julio García Rodríguez
Predecesor:
Javier Fernández
 
Secretario xeral da FSA-PSOE

2017-actualidade
Sucesor:
No cargo
Predecesor:
Javier Fernández
 
Presidente do Principado de Asturias

2019-actualidade
Sucesor:
No cargo