Adarga

Unha adarga é un escudo feito de coiro e de forma ovalada e posteriormente con forma de corazón.

Adarga
[ editar datos en Wikidata ]

Sancho levando a adarga de don Quixote, grupo escultórico en Madrid

Usos

Usado orixinalmente pola cabalaría musulmá de Al-Andalus, co nome de ad-dargha, traído do norte de África (en Fez estaba o principal centro de produción). Extremadamente resistente á espada e á lanza. Nos séculos XIV e XV a adarga foi utilizada pola infantaría e cabalaría cristiá ata que no século XVI se fixo xeral o uso de armas de fogo. Aínda seguiu en uso ata o século XVII en combates de cabalaría entre a nobreza peninsular e usárona cando menos ata finais do século XVIII determinados corpos especializados, como a tropa dos presidios españois en Nova España.