Adam Henryk Małysz ([adam maȗiʃ]), nado en Wisła o 3 de decembro de 1977, é un saltador de esquí polaco, gañador de dúas medallas nos Xogos Olímpicos de Inverno e catro medallas de ouro nos Campionatos Mundiais na modalidade de saltos de esquí. Catro veces gañou a Copa do Mundo de Esquí (2001/2002, 2002/2003, 2003/2004 e 2006/2007), sendo o primeiro saltador que o fixo tres veces seguidas. 17 veces gañou o título dos Campionatos de Polonia en salto de esquí e tres veces obtivo o título de Mellor Deportista de Polonia.

Adam Małysz
Nacemento3 de decembro de 1977
Lugar de nacementoWisła
NacionalidadeRepública Popular de Polonia e Polonia
Relixiónluteranismo
Alma máterCzęstochowa University of Technology
Ocupaciónsaltador de esquí, piloto de rally e sports official
PremiosHolmenkollen Medal, Polish Sportspersonality of the Year, Polish Sportspersonality of the Year, Polish Sportspersonality of the Year, Polish Sportspersonality of the Year, Commander with Star of the Order of Polonia Restituta, Commander of the Order of Polonia Restituta e Officer of the Order of Polonia Restituta
Na rede
http://www.malysz.pl/
IMDB: nm1455129 Youtube: UC5ytOBdZEANe_6L88K2OwOg Olympic.org: adam-malysz WikiTree: Małysz-7 Editar o valor em Wikidata
editar datos en Wikidata ]

Małysz comezou a súa carreira cando tiña tan só seis anos. En 1994 por primeira vez na súa vida saltou na competición da Copa do Mundo. Tamén nese ano, en Innsbruck gañou os primeiros puntos na clasificación xeral deste torneo.

Adam Małysz gañou o seu primeiro concurso da Copa do Mundo en Oslo en 1996. En 2001 gañou o Torneo dos 4 Trampolíns. Na tempada 2001/2002 gañou a Copa do Mundo sendo o primeiro representante de Polonia na historia dos saltos en facelo. Nos XIX Xogos Olímpicos de Inverno no ano 2002, en Salt Lake City, gañou dúas medallas: o bronce no trampolín K-90 e a prata no K-120.

En 2001, dúas veces en 2003 e en 2007 gañou o título de Campión Mundial.