Actinochrysophyceae
Axodinos | |||||||||||
---|---|---|---|---|---|---|---|---|---|---|---|
![]() | |||||||||||
Clasificación científica | |||||||||||
| |||||||||||
Xéneros | |||||||||||
Dictyochales/Silicoflagellata | |||||||||||
Sinonimia | |||||||||||
|
Os axodinos, Dictyochophyceae sensu lato, Actinochrysia ou Actinochrysophyceae, son un grupo de algas unicelulares heterocontófitas. Foron previamente clasificadas dentro de Chrysophyceae [2].
Esta clase inclúe aos pedinélidos, os silicoflaxelados e os rhizochromulinas [3].
Características
editarDestacan por posuír un único e saínte flaxelo, que non ten unha estrutura basal como os dos grupos próximos, e que se estende ao longo dunha estrutura con forma de á, que a soporta unha estrutura tubular interna. Teñen tentáculos, ou axopodios, mantidos por triades de microtúbulos que van dende o núcleo celular á superficie celular.
Clasificación
editarOrde Dictyochales
editarNesta orde atópanse os silicoflaxelados, que son especies de plancto mariño que forman esqueletos de silicio. Destacan, por ese exoesqueleto, no rexistro fósil.
Orde Pedinellales
editarA orde dos pedinélidos contén a meirande parte das especies de axodinos. Son especies de augas fluviais e mariñas. En xeral son sésiles e viven ancoradas no substrato por un talo posterior. Teñen un flaxelo na parte anterior da célula e tentáculos bordeándoo, o que lle permite cazar presas grazas ás correntes de auga.
Orde Rhizochromulinales
editarA orde de rhizochromulinas está composta pola especie mariña ameboide Rhizochromulina marina. Agrúpase dentro dos axodinos pola estrutura das súas zoosporas. É filoxeneticamente máis próxima aos pedinélidos ca aos dictiocálidos.
Notas
editar- ↑ Cavalier-Smith T., Chao E. E., Allsopp M. T. E. P. (1995) Ribosomal RNA evidence for chloroplast loss within Heterokonta: pedinellid relationships and a revised classification of ochristan algae. Arch. Protistenkd. 145: 209-220.
- ↑ Ichinomiya, Mutsuo; dos Santos, Adriana Lopes; Gourvil, Priscillia; Yoshikawa, Shinya; Kamiya, Mitsunobu; Ohki, Kaori; Audic, Stéphane; de Vargas, Colomban; Noël, Mary-Hélène; Vaulot, Daniel; Kuwata, Akira (Novembro de 2016). "Diversity and oceanic distribution of the Parmales (Bolidophyceae), a picoplanktonic group closely related to diatoms". The ISME Journal 10 (10): 2419–2434. ISSN 1751-7362. PMID 27003244. doi:10.1038/ismej.2016.38. Consultado o 15 de febreiro de 2017.
- ↑ Mikrjukov K.A., Patterson D.J. (2001) Taxonomy and Phylogeny of Heliozoa. III. Actinophryids. Acta Protozoologica 40: 3-25