Abavides, Trasmiras

San Martiño de Abavides é unha parroquia do concello ourensán de Trasmiras na comarca da Limia. No ano 2022 tiña 164 habitantes, dos cales 77 eran homes e 87 mulleres.

Abavides
Igrexa de San Martiño de Abavides
Concello	Trasmiras
Provincia	Ourense
Coordenadas	42°02′00″N 7°38′00″O
Área	6,36 km²
Poboación	164 hab. (2022)
Densidade	25,79 hab./km²
Entidades de poboación	7
[ editar datos en Wikidata ]

Xeografía

Estrada N-525 ao seu paso por Abavides.

Atópase a 640 m sobre o nivel do mar. Está atravesada pola estrada N-525.

A zona un clima fundamentalmente continental, caracterizado polas escasas choivas (uns 700 mm anuais), un forte contraste de temperaturas, moi baixas no inverno e altas no verán, e frecuentes xeadas.

Historia

A comarca da Limia estaba poboada pola tribo dos límicos antes da romanización de Galicia. Nesta época o territorio do que é o actual Trasmiras estaba baixo a influencia do Forum Limicorum.

Na idade Media a parroquia de Abavides pertencía ó señorío do Conde de Lemos, quedando o resto do territorio baixo o señorío do Conde de Monterrei.

Patrimonio

A igrexa parroquial conserva algúns restos do románico, pero a maior parte da construción é de feitura barroca, trala reforma levada a cabo entre 1688 e 1728. As pedras da construción medieval foron aproveitadas no muro do camposanto. No seu interior destaca o retablo maior, feito en 1773 por Gregorio Álvarez de Araujo e restaurado no 2004.

Demografía

Gráfica de evolución demográfica de Abavides entre 2000 e 2020

Datos segundo o IGE.

Festas

As festas celébranse a primeira fin de semana de setembro.

Lugares e parroquias

Véxase tamén

Outros artigos

• Lugares de Trasmiras

Ligazóns externas

• www.abavides.org páxina con certo contido sobre Abavides