ASL Airlines Ireland

ASL Airlines (Ireland) Limited, anteriormente Air Contractors, é unha aeroliña irlandesa de carga e pasaxeiros. Opera servizos regulares de carga por toda Europa en nome de empresas como FedEx Feeder e DHL Express. Opera tamén voos chárter de pasaxeiros e realiza algúns servizos para aeroliñas regulares. ASL Airline Holdings Limited, a compañía nai de ASL Airlines Ireland, ten a súa sede en Dublín.[1]

ASL Airlines Ireland
IATA
AG
OACI
ABR
Indicativo
CONTRACT
Fundación1972
SubsidiariasASL Airlines Belgium
ASL Airlines France
ASL Airlines United Kingdom
ASL Airlines Hungary
Frota36
HoldingASL Aviation Holdings DAC
Páxina web: aslairlines.ie

Historia editar

A aeroliña fundouse e comezou a operar en 1972 como Air Bridge Carriers no aeroporto de East Midlands. En setembro de 1992 adoptou o nome Hunting Cargo Airlines e en 1997 rematou de transferir todas as súas operacións a Irlanda. En xuño de 1998 o Hunting Group vendeu a súa división de aviación a un consorcio formado por CMB Compagnie Maritime Belge e Safair (parte de Imperial Group), e a aeroliña foi rebautizada como Air Contractors. Imperial Group transferiu o 49% das súas accións na compañía a 3P Air Freighters/Petercam S.A. en 2007.

Air Contractors mercou a aeroliña francesa Europe Airpost o 14 de marzo de 2008.[2] Tras incorporar Europe Airpost o grupo pasou a chamarse ASL Aviation Group, representando o nome as súas tres actividades principais: Airlines, Support and Leasing (aeroliñas, soporte e alugueiro).

En 2010 Air Contractors comezou a transportar pasaxeiros usando un avión Boeing 737-300 xunto co seu asociado, Europe Airpost.

O 4 de xuño de 2015 ASL Aviation Group anunciou que Air Contractors converteríase en ASL Airlines Ireland, Europe Airpost en ASL Airlines France, Farnair Hungary en ASL Airlines Hungary e Farnair Switzerland e ASL Airlines Switzerland.[3]

A compañía anunciou o 5 de febreiro de 2016 que chegara a un acordo para mercar TNT Airways e PAN Air, coa condición que a compra de TNT por parte de FedEx continuase adiante. A venda realizouse en maio de 2016.[4] TNT Airways converteuse en ASL Airlines Belgium e Pan Air en ASL Airlines Spain.

A principios de 2017 ASL Aviation Group pasou a chamarse ASL Airline Holdings.

Frota editar

En xuño de 2022 a frota de ASL Airlines Ireland estaba formada polos seguintes avións:[5]

Aircraft In Fleet Orders Notes
Airbus A300F 4 Operados para DHL Aviation
Airbus A330-300F 3 Operados para DHL Aviation
ATR 72-200 2
ATR 72-500F 2
ATR 72-600F 7 Operados para FedEx Express
Boeing 737-400F 15
Boeing 737-800 5
Boeing 737-800BCF 2 Operados para Amazon Air
Total 40 0

Véxase tamén editar

Ligazóns externas editar

Notas editar

  1. ASL Aviation Group (ed.). "Contact". Arquivado dende o orixinal o 22 de outubro de 2016. Consultado o 7 de novembro de 2017.  |urlarquivo= e |url-arquivo= redundantes (Axuda); |dataarquivo= e |data-arquivo= redundantes (Axuda)
  2. Air Contractors (ed.). "Acquisition of Europe Air Post by Air Contractors". Arquivado dende o orixinal o 08 de xullo de 2009. Consultado o 7 de novembro de 2017.  |urlarquivo= e |url-arquivo= redundantes (Axuda); |dataarquivo= e |data-arquivo= redundantes (Axuda)
  3. ASL Aviation Group (ed.). "Ireland based ASL Aviation Group is to launch a new European airline brand, ASL Airlines, as part of its strategy for continued growth in passenger and cargo operations". Arquivado dende o orixinal o 08 de novembro de 2017. Consultado o 7 de novembro de 2017. 
  4. Global Trade (ed.). "ASL Finalizes Acquisition of TNT Air Operations". Arquivado dende o orixinal o 10 de outubro de 2017. Consultado o 7 de novembro de 2017. 
  5. Irish Aviation Authority (ed.). "Latest Register and Monthly Changes". Consultado o 7 de novembro de 2017.