Élan Chalon

O Élan sportif chalonnais, máis coñecido como Élan Chalon, é un equipo profesional de baloncesto de Francia da cidade de Chalon-sur-Saône. O equipo disputa os seus partidos como local no Le Colisée. Actualmente compite na Ligue Nationale de Basketball Pro A, a máxima categoría do baloncesto francés.

Élan Chalon
Información xeral
Nome	Élan sportif chalonnais
Liga	Pro A
Fundación	1955
Cores	Vermello, branco, prata
Presidente	Dominique Juillot
Adestrador	Julien Espinosa
Localización
Cidade	Chalon-sur-Saône, Francia
Pavillón	Le Colisée
Capacidade	4.540
Inauguración	2001
Campionatos
Liga	2 (2012, 2017)
Copa	2 (2011, 2012)
elanchalon.com

Historia

O equipo foi fundado orixinalmente en 1955, após a fusión do Association Sportive Chalonnaise e o Élan de Saint-Jean des Vignes. En 1970, fusionouse tamén co equipo de fútbol Bourgneuf Val d'Or Mercurey. En 1994, converteuse en equipo profesional. O seu primeiro grande éxito chegou na temporada 2011−12 cando conseguen gañar o título de Liga. O equipo finalizara a liga en segunda posición tras o Gravelines-Dunkerque, cun balance de 23 vitorias e 7 derrotas (o Gravelines finalizara con tan só tres derrotas). Nos play-offs polo título eliminaron na primeira fase ao Chorale Roanne, mentres que o Gravelines caía ante o Cholet, oitavo clasificado en liga regular. En semifinais conseguiron vencer ao Orléans Loiret, agardando na final o Le Mans, que en Liga acabara en cuarto lugar. Na final, que se disputaba a partido único, o Chalon consegue vencer por 95−76 no Pavillón de Paris-Bercy. Neste partido destacou a actuación de Billy Ouattara e Clint Capela, con 24 e 22 puntos respectivamente. O título de Liga permitiu ao equipo debutar na Euroliga na temporada 2012–13, aínda que foron eliminados na liga regular con 3 vitorias por 7 derrotas. En 2016 o equipo chegou á Final Four da FIBA Europe Cup, a cal foi celebrada en Le Colisée de Chalon, con todo, o equipo acaba en terceiro lugar. En 2017 o equipo repite éxito, chegando ademais esta vez á final, con todo perden ante o Nanterre 92. En liga a situación sería moito mellor e o equipo consegue gañar o seu segundo título após vencer ao SIG Strasbourg por 3–2 nas finais.

Ano a ano

Ano	Nivel	Liga	Pos.	Copa	Leaders Cup	Competicións europeas
2006–07	1	Pro A	3º	Cuartos de final	Cuartos de final
2007–08	1	Pro A	9º	Rolda de 16		2 ULEB Cup	R32
2008–09	1	Pro A	7º	Rolda de 16
2009–10	1	Pro A	12º	Cuartos de final		3 EuroChallenge	L16
2010–11	1	Pro A	5º	Campión	Subcampión
2011–12	1	Pro A	2º	Campión	Campión	3 EuroChallenge	2º
2012–13	1	Pro A	4º	Rolda de 32	Cuartos de final	1 Euroliga	LR
2013–14	1	Pro A	8º	Rolda de 32		2 Eurocup	LR
2014–15	1	Pro A	8º	Oitavos de final
2015–16	1	Pro A	5º	Oitavos de final	Subcampión	3 FIBA Europe Cup	3º
2016–17	1	Pro A	2º	Semifinais	Cuartos de final	4 FIBA Europe Cup	2º
2017–18	1	Pro A	12º	Oitavos de final		3 Championns League	LR

Xogadores

Destacados

• David Michineau
• Mamoutou Diarra
• Stéphane Ostrowski
• Steed Tchicamboud
• Ilian Evtimov
• Clint Capela
• Thabo Sefolosha
• Rimas Kurtinaitis
• Slobodan Šljivančanin
• Daniel Lee
• Zaza Enden
• Uri Cohen-Mintz
• A.J. Slaughter
• Alade Aminu
• Jérémy Nzeulie
• Garth Joseph
• Trevor Harvey
• Rowan Barrett
• John Best
• Keith Gatlin
• Udonis Haslem
• Will McDonald
• Tracy Murray
• Charles Pittman
• Malcolm Delaney
• Blake Schilb
• Marcus Denmon
• Shelden Williams
• Shawnta Rogers
• Devin Booker

Títulos

Liga de Francia

• Campións (2): 2012, 2017

Copa de Francia

• Campións (2): 2011, 2012

Semaine des As

• Campións (1): 2012
• Subcampións (2): 2011, 2016

Véxase tamén

Ligazóns externas

• Páxina web oficial
• Datos do club en Euroleague.net
• Datos do club en Eurobasket.com Arquivado 25 de setembro de 2019 en Wayback Machine.