Áurea Rodríguez

María Áurea Rodríguez Rodríguez, nada o 16 de novembro de 1897 en Muntián (Cartelle), foi unha gaiteira galega, a primeira documentada da historia.

Áurea Rodríguez

Biografía
Nacemento	16 de novembro de 1897 Muntián
Morte	século XX
Datos persoais
País de nacionalidade	España
Actividade
Ocupación	gaiteira
Lingua	Lingua galega

Traxectoria

Foi a maior dos seis fillos do matrimonio José Rodríguez e Hermelinda Rodríguez. Comezou a tocar a gaita arredor de 1907, á idade de dez anos. Logo do falecemento dos seus pais formou xunto cos seus irmáns Castor, Felisindo, Manuel e Eliseo, o grupo Os Maravillas (en referencia á parroquia de onde son orixinarios, As Marabillas). O grupo tivo un enorme éxito en toda a xeografía galega durante os anos vinte. En 1929 as xiras do grupo traspasan as fronteiras de Galicia, realizan actuacións en Madrid, que coroan a Aurea como "La reina de la gaita Gallega", e pola Arxentina no mes de novembro. Na década dos trinta desfaise o grupo. Castor, Benigno e Aurea crean un novo grupo, Os Menores, e emigran a Arxentina. A última nova sobre Áurea é dunha actuación que tivo lugar en Venezuela en 1945.

• 
  Os Maravillas de Cartelle, composición inicial.
• 
  Os Maravillas cara a 1927.
• 
  Aurea Rodríguez xunto aos seus fillos.

Véxase tamén

Bibliografía

• Marco, Aurora (2007). Dicionario de Mulleres Galegas. Edicións A Nosa Terra. p. 379. ISBN 978-84-8341-146-9. 

Ligazóns externas

• "Áurea Rodríguez". Álbum de Mulleres do Consello da Cultura Galega.