Abrir o menú principal

Ánxela Loureiro Fernández, nada en Ferrol en 1956 é unha escritora de literatura infantil e xuvenil. Cultiva diferentes xéneros literarios: teatro, novela, poesía e guión cinematográfico. Mestra que exerceu a docencia en colexios e institutos de Ferrol e o Centro de Formación e Recursos.[1][2]

Ánxela Loureiro Fernández
Anxela Loureiro.jpg
Nacemento1956
 Ferrol Galicia Galicia
NacionalidadeEspaña
Ocupaciónpoeta e escritora
XénerosTeatro, Novela, Poesía, Guión cinematográfico
editar datos en Wikidata ]

TraxectoriaEditar

Iníciase como escritora de teatro infantil coa obra titulada Ollo! Hai lurpios na horta que acadou o 1º Premio de Teatro Infantil do Ateneo Ferrolán e que se representou por toda Galicia en 1980.[3] Aínda que continuou escribindo obras teatrais, algunhas becadas pola Consellería de Cultura, a súa creatividade espallouna a outros xéneros como a poesía ou a novela.

A poesía, sempre vencellada á música, pois é autora de numerosas cancións polas que acadou varios premios no concurso Cantareliña (San Sadurniño) e colaborou en diferentes publicacións e discos.[4]

O seu primeiro libro de narrativa foi Viaxe de ida e volta no ano 1996. Posteriormente publicou Laia a nena da illa, Camiño perigoso (ambos os dous finalistas do Premio Merlín de Edicións Xerais en diferentes convocatorias) e Ota quere voar polo que recibiu os premios Lecturas e Frei Martín Sarmiento.[5]. No ano 2018 publicou Choiva de ras.

Estes últimos anos mergullouse no mundo do cine para o que escribiu varios guións cinematográficos dirixidos á infancia: Pica-pica circus, guión de longametraxe en plastilina para a produtora Luafilms; E por que II, 26 guións de curtametraxes de animación coa temática de exercicio físico e alimentación saudable; e Bruxarías (2015) guión de longametraxe de animación para a produtora Continental Producciones, nominada á mellor película de animación nos Premios Platino 2017.[6][7]

A súa afección pola música lévaa a participar en varios grupos musicais e a dirixir coros infantís como “Ledicia” do que é a súa fundadora.[8] Formou parte do grupo folk Saraibas actuando en numerosos escenarios de Galicia e Europa e gravando varios discos incorporando a súa voz solista, instrumentos de percusión e realizando arranxos musicais.[9][10][11]

A súa profesión de mestra fai que colabore con relatorios e obradoiros en diversos foros educativos, que escriba artigos en revistas de carácter didáctico, que participe na elaboración de libros de texto ou que publique libros para o profesorado como Canción para o ano onde convida a que se utilice a música popular nas aulas. No eido educativo, ademais, impulsa a recuperación dos xogos tradicionais musicais e defende a súa incorporación nas aulas como elementos de socialización.

En toda a súa obra amosa un especial interese por resaltar os valores da solidariedade, amizade, igualdade e liberdade. A súa linguaxe, sempre, é coeducativa.

En marzo de do ano 2019, presentou o seu libro Voces da memoria con ollos de muller, para dar visibilidade ás mulleres loitadoras no período 1970-1977 en Ferrol e a súa achega para conquistar as liberdades democráticas.[12]

A elas, ás que estando presentes son ignoradas,

ás que sendo solidarias non levan premios,

ás que protagonizando non aparecen nos créditos,

ás que arriscando a súa vida non son heroínas.

A elas, ás que escribiron unha páxina da nosa historia en Ferrol.

Ás mulleres do 72.

Á miña nai e á miña irmá por ser parte deste relato.
Dedicatoria de Ánxela Loureiro Fernández en Voces da memoria con ollos de muller [13]

ObraEditar

RevistasEditar

  • Entrevista con Emilio Calatayud. Unha oportunidade para a convivencia en Revista IDEA nº 13.
  • Cristina Almeida. A importancia de educar en igualdade en Revista IDEA nº14
  • Nélida Zaitegi. A voz do diálogo en Revista IDEA nº 15.

Libros[14]Editar

Teatro infantilEditar

  • Ollo! Hai lurpios na horta. 1978.

Novelas infantís e xuvenísEditar

  • Viaxe de ida e volta. Edicións Xerais,1996.
  • Laia, a nena da illa. Edicións Xerais. 1998 (Finalista do Premio Merlín)
  • Camiño perigoso. Edicións Xerais, 2002 (Finalista do Premio Merlín 2002)
  • Ota, quere voar. Edicións Xerais, 2003 (Premio Lecturas Galix 2005 e Premio Literario Frei Martín Sarmiento 2005)
  • Choiva de ras. Edicións Xerais, 2018.

Libros didácticosEditar

  • Cancións para o ano. Edicións Xerais. 1995. (Textos, partituras e actividades didácticas dirixidas ao profesorado)
  • José Fontenla Leal un dinamizador do galeguismo. Edición do Concello de Ferrol (Unidade didáctica)

Libros de textoEditar

  • Coautora do libro de texto globalizado Nobelos de papel de Edicións Xerais.
  • Colaboradora dos libros Música 3 , Música 4, Música 5 e Música 6 de Edicións S.M.

Libros compartidosEditar

  • A fábrica de soños no libro colectivo E dixo o corvo Edicións Xunta de Galicia.
  • Andrea Chapapote no libro colectivo Contos de circo, cronopios e avións. Edicións Xunta de Galicia 2005

Outros librosEditar

  • Voces da memoria con ollos de muller. Concello de Ferrol, 2019

CanciónsEditar

  • A buxaina brincadeira, Ris pun chis e Quen son? nos cadernos de Cantareliña II, III e VII respectivamente.
  • A caracola, Pasan coches polas rúas, A castaña, Sol do outono, Os meus ollos, Estrela na noite, Nace unha planta, Noite de San Xoan, Facendo o disfrace, Despertar no galiñeiro, Arco da Vella, Son ecoloxista, O maio letras das cancións recollidas no libro As nosas cancións I e II de Edicións Música para todos.

DiscosEditar

  • Camiño Longo. Grupo folk Saraibas. (Voz, percusión e arranxos).
  • Cancións para o ano. Grupo folk Saraibas. (Coordinación, voz, percusión e arranxos).
  • Canción Poesía no disco colectivo Homenaxe a Celso Emilio Ferreiro. (Voz)
  • Música 3 , Música 4 , Música 5 e Música 6 de Edicións S.M. (Coordinación, arranxos musicais, voz e percusión)

NotasEditar

  1. "BIOGRAFÍA - Encontros con...ÁNXELA LOUREIRO". sites.google.com. Consultado o 2019-04-25. 
  2. "Ánxela Loureiro Fernández". galegos.galiciadigital.com. Consultado o 2019-04-25. 
  3. "Ateneo Ferrolán". ateneo-ferrolan.blogspot.com. Consultado o 2019-04-25. 
  4. "Empuje.net" (en castelán). Consultado o 2019-04-25. 
  5. "Camiño perigoso / Dangerous Road : Anxela Loureiro : 9788483028940". www.bookdepository.com. Consultado o 2019-04-25. 
  6. Merchán, Juana (2017-06-01). "Premios Platino 2017: Lista de nominados". Cinemanía (en castelán). Consultado o 2019-04-25. 
  7. "Brujerías (2015)" (en castelán). Consultado o 2019-04-25. 
  8. "Grupo Ledicia (Grupo musical)". datos.bne.es (en castelán). Consultado o 2019-04-25. 
  9. "La Voz entregará mañana el compacto de Saraibas titulado «Cancións»". www.lavozdegalicia.es. Consultado o 2019-04-25. 
  10. "Especial Saraibas". vello.vieiros.com. Consultado o 2019-04-25. 
  11. "Anxela". vello.vieiros.com. Consultado o 2019-04-25. 
  12. "Ánxela Loureiro: "Na ditadura eu fun detida tres veces e agredida polos Guerrilleiros Cristo Rey"". www.elcorreogallego.es. Consultado o 2019-04-25. 
  13. Voces da memoria con ollos de muller(páxina 7). Concello de Ferrol. 2019
  14. "Proxecto Meiga. Ver rexistro en detalle". www.opacmeiga.rbgalicia.org. Consultado o 2019-04-25. 

Véxase taménEditar