Ángel Ron
Ángel Ron, nado en Santiago de Compostela o 24 de xullo de 1962, é un banqueiro galego. Foi presidente do Banco Popular Español, o terceiro grupo bancario de España por capitalización.
| Nome orixinal | Ángel Ron |
|---|---|
| Biografía | |
| Nacemento | 24 de xullo de 1962 (61 anos) Santiago de Compostela, Galicia |
| Datos persoais | |
| País de nacionalidade | España  |
| Educación | Universidade de Santiago de Compostela |
| Actividade | |
| Ocupación | Banqueiro |
| Empregador | Banco Popular Español |
| Lingua | Lingua castelá |
 | |
Traxectoria editar
Ángel Ron licenciouse en Dereito pola Universidade de Santiago de Compostela e en 1984, con 22 anos, entrou a formar parte da dirección rexional de Galicia do Banco Popular Español. En 1989 noméano director xeral da Caja Cooperativa de Promoción y Crédito, un banco de aforro especializado en microcréditos. En 1991 pasa a desempeñar a mesma responsabilidade no Banco de Depósitos ata 1995.
A finais dese ano noméano director rexional de Asturias-Cantabria, do Banco Popular Español, onde administrou un negocio de 2.000 millóns de euros, 52 sucursais e ao redor duns 300 empregados.
No ano 1998 accede á sede central de Madrid, cando o nomean director xeral da Rede Comercial do Grupo Popular, que incluía os 5 bancos rexionais (entre eles o Banco de Galicia), así como todas as sociedades financeiras dependentes do grupo. En marzo de 2002, noméano conselleiro delegado e dous anos despois, presidente executivo do Grupo Banco Popular. En 2006 accede á presidencia do consello de administración.
Neste tempo, o Banco Popular adquiriu o Banco Nacional de Crédito (BNC) e desembarcou no mercado estadounidense coa compra en 2007 de Totalbank.
O 30 de novembro de 2016 foi destituído polos accionistas do Banco Popular pola súa mala xestión, sendo relevado por Emilio Saracho.[1]
Outros cargos editar
Ángel Ron é membro, ademais, do Internacional Advisory Board de Allianz, do Institut International d'Études Bancaires, da Internacional Monetary Conference e é membro do padroado da Fundación Príncipe de Asturias, da Fundación Universitaria Comillas, da Fundación de Ayuda contra la Drogadicción e de FEDEA.