Yoshiki Tonogai
Yoshiki Tonogai (外海 良基 Tonogai Yoshiki?), nado o 14 de marzo de 1950 na prefectura de Shiga, é un debuxante xaponés de manga. É coñecido por ser o ilustrador dunha das adaptacións manga de Higurashi When They Cry: Himatsubushi-hen, ou Time Killing Arc. Tamén é o artista e escritor de Doubt,[1] que foi completado en febreiro de 2009. Continuou a serie Doubt con dúas secuelas, Judge e Secret, todo conectado pola aparición recorrente da emblemática máscara de coello de Doubt. Doubt publicouse nos Estados Unidos a través de Yen Press en 2 volumes en abril e xullo de 2013, e a serie completa de seis volumes de Judge e a de tres volumes de Secret tamén foron publicadas pola mesma editorial. As súas obras foron publicadas tamén en varios países de Europa.
Nome orixinal | (ja) 外海良基 |
---|---|
Biografía | |
Nacemento | 14 de marzo de 1950 (74 anos) Prefectura de Shiga, Xapón |
Datos persoais | |
País de nacionalidade | Xapón |
Actividade | |
Ocupación | Mangaka , ilustrador |
Lingua | Lingua xaponesa |
Páxina web | blog.livedoor.jp… |
Tonogai foi asistente de Atsushi Ōkubo, e deixou unha mensaxe conmemorando a adaptación ao anime Soul Eater no número de primavera de 2008 de Fresh Gangan.
Obras editar
Título | Ano | Notas |
---|---|---|
Higurashi When They Cry: Time-Killing Arc | 2006 | 2 volumes |
Doubt | 2007–09 | Serializado en Monthly Shōnen Gangan Publicado por Square Enix en 4 volumes |
Judge | 2010–12 | Serializado en Monthly Shōnen Gangan Publicado por Square Enix en 6 volumes |
Secret | 2013–15 | Serializado en Monthly Shōnen Gangan Publicado por Square Enix en 3 volumes |
Notas editar
- ↑ 著者:外海良基 [Author: Yoshiki Tonogai]. Media Arts Database (en xaponés). Xapón: Agency for Cultural Affairs. Consultado o 29 de febreiro de 2016.