O Xogador do Ano de World Rugby é un premio anual concedido por World Rugby ó xogador de rugby que ten a mellor actuación internacional coa súa selección ese ano. O premio foi creado en 2001 e está considerado o maior recoñecemento individual que pode recibir un xogador de rugby en activo. Existen diferentes premios para as disciplinas de XV e VII, tanto en categoría masculina como en feminina. Richie McCaw (2006, 2009, 2010) e Daniel Carter (2005, 2012, 2015) son os xogadores que acadaron o premio nun maior número de ocasións, tres veces cada un. Portia Woodman é a única persoa que acadou o premio nas dúas disciplinas de XV (2017) e VII (2015).