Wafa Mustafa
Wafa Mustafa, nada en Masyaf o 4 de agosto de 1990, é unha xornalista e activista siria que fai campaña pola liberación dos detidos sirios. Como membro de Families for Freedom, meteu presión ó Consello de Seguridade das Nacións Unidas para pedir a liberación dos nomes e as localizacións de todos aqueles ós que as autoridades sirias teñen en cativerio. Mustafa citou que a motivación do seu activismo foi a desaparición do seu pai, Ali Mustafa, un activista dos dereitos humanos, que foi detido en xullo de 2013.[1] Acosado xa en 2011 pola Seguridade do Estado, Ali foi arrestado co seu colega Hussam al-Dhafri por homes armados vestidos de civil ó comezo das protestas contra o réxime. Hoxe, Wafa Mustafa traballa para obter calquera información sobre o seu pai e outros refuxiados detidos.[2][3]
| Nome orixinal | (ar) وفا مصطفى  |
|---|---|
| Biografía | |
| Nacemento | 4 de agosto de 1990 (33 anos) Masyaf, Siria (pt)  |
| Datos persoais | |
| País de nacionalidade | Siria |
| Educación | Bard College Berlin (en) |
| Actividade | |
| Ocupación | xornalista , activista |
  | |
Traxectoria editar
En 2011, foi arrestada por protestas en Siria. Porén, pronto foi liberada. Despois do seu arresto, non puido regresar á escola para continuar os seus estudos, xa que as escolas comezaron a rexeitar ós estudantes que participaron nas manifestacións.[3]
Wafa Mustafa di que comezou o seu traballo de activismo despois da desaparición do seu pai Ali Mustafa (un defensor de dereitos humanos que foi detido en xullo de 2013).[1]
Despois do arresto do seu pai, viuse obrigada a trasladarse a Alepo e despois a Turquía a un campo de refuxiados.[2]
En 2016 foi para Alemaña.[4]
O 30 de maio de 2020, realizou unha manifestación fronte a un xulgado en Koblenz (Alemaña), onde publicó 61 fotografías de persoas desaparecidas en Siria, incluída unha fotografía do seu pai.[3]
Notas editar
- ↑ 1,0 1,1 1,2 "Security Council stalemate frustrates families of Syria’s missing detainees". UN News (en inglés). 23 de xullo de 2020. Consultado o 9 de marzo de 2021.
- ↑ 2,0 2,1 2,2 "Syrian detainees: charter on the path to justice". Enab Baladi (en inglés). 27 de febreiro de 2021. Consultado o 9 de marzo de 2021.
- ↑ 3,0 3,1 3,2 3,3 "How one woman's missing father inspired her to fight for justice for Syria". The National (en inglés). 27 de xuño 2020. Consultado o 9 de marzo de 2021.
- ↑ "Wafa Mustafa: The Story Behind The Name • Page 2 of 2 • Die Bärliner". Die Bärliner (en inglés). 2017-04-04. Consultado o 2021-03-11.